ફિલ્મને પણ ટક્કર મારે તેવા છે આ બંટી-બબલીના કારનામા

અમદાવાદ પોલીસે પેટ્રોલીંગ સેટેલાઇટ વિસ્તારમાંથી એક યુવક અને યુવતીને કાળી કાર સાથે ઝડપી લીધા હતા. પુછપરછ દરમિયાન તેમણે કબૂલ્યું હતું કે તેઓ માત્ર મોજ-શોખ માટે જ રૂપિયા ૨૦ લાખની એકોર્ડ કાર ચોરીને ફરતા હતા. આ બંટી-બબલીના અસલી નામ અર્જુનસિંહ ઉર્ફે પાર્થ કનકસિંહ ઝાલા (ઉં.વ.૨૧, રહે ડી-૪,પાયલ ફ્લેટ, જજીસ બંગ્લોઝ રોડ) તથા બબલીનું નામ આરતી ઉર્ફે પૂજા ગણપતસિંહ જાડેજા (ઉં.વ.૨૦ રહે, મંગલ જયોત ટાવર,જોધપુરગામ) હોવાનું બહાર આવ્યું હતું અને હાલમાં તેઓ પાયલ ફ્લેટમાં માસિક રૂપીયા ૨૦ હજાર ભાડું ચુકવી લીવ એન્ડ રીલેશનશીપમાં રહેતા હોવાનું તેમણે પોલીસને જણાવ્યું હતું. પોલીસે આ ચોરેલી કાર કોની છે અને ક્યારે બન્ટી બબલીએ ચોરી હતી તેની તપાસ આદરી છે. (તસવીરઃ વિજય ઝવેરી)