મોતને પોતાની સામે જોઈ, બનાવી નાંખ્યું અંતિમ ઈચ્છાઓનું લિસ્ટ

એલિસ પોતાની બીમારી વિશે બ્લોગ પર ખૂલીને વાત કરે છે

ફેસબુક પર તેના ચાહકોએ પણ ટેને બોનમેરો આપવાની ઈચ્છા દર્શાવી છે

બ્રિટનની 15 વર્ષીય એલિસ પાએને હોકિંગ્સ લિંફોમા કેન્સરની દર્દી છે. આ જીવલેણ બીમારીનું લાંબુ નામ પણ એલિસના માસૂમ ચહેરા પરથી સ્મિત છીનવી શક્યું નથી. જેવો તેને પોતાની બીમારીનો અહેસાસ થયો કે તેણે પોતાની વેબસાઇટ પર પોતાની ઈચ્છાઓનું લિસ્ટ અપડેટ કરવાની સ્પીડ વધારી દીધી.

એલિસ પોતાના પિતા વિકી, મા સિમન અને નાની બહેન મિલી સાથે રહે છે. તેનો પરિવાર પણ તેને બચાવવા માટે તનતોડ મહેનત કરી રહ્યો છે. ત્યાં જ બીજી બાજુ એલિસ પોતાની બીમારી વિશે બ્લોગ પર ખૂલીને વાત કરે છે, જ્યાં તેના હજાર કરતા વધારે ચાહનારાઓ છે.

શાર્ક માછલીઓ સાથે તરવુ, દરેક માણસ પાસે બોનમેરો ડોનર તરીકે સાઇન કરાવવી, કેન્યા જવું, મિલી ક્લેરિસા, સેમી અને મેગ્સ સાથે ફોટો પડાવવા, એમા બ્રિજવોટર મગ બનાવીને ચેરિટી માટે વેચવો, કારવાનમાં રોકાવુ, આઈપેડ ખરીદવું, ડોલ્ફિન ટ્રેનર બનવું, કેડબરી વર્લ્ડ જવું, વ્હેલ માછલીઓ જોવી અને તેના વાળમાંથી થઈ શકે તો કોઈ ઉપયોગ કરવો જેવી ઈચ્છાઓનું લિસ્ટ તેમણે બનાવી રાખ્યું છે.

3 વર્ષ પહેલા એલિસને કેન્સર વિશે ખબર પડી હતી. તેમની કીમોથેરેપી અને રેડિયો થેરેપી જેવા ઈલાજ પણ કરવામાં આવ્યા હતા. આ પછી તેના જ સેલ્સને ટ્રીટ કર્યા પછી સ્ટેમસેલ ટ્રાન્સપ્લાન્ટ કરવામાં આવ્યું હતું. ફેસબુક પર તેના ચાહકોએ પણ ટેને બોનમેરો આપવાની ઈચ્છા દર્શાવી છે, પણ બોનમેરો મેચ થવો પણ એટલો જ જરૂરી છે. બધી કોશિશો પછી પણ આગળ શું થશે તે તો સમય જ જણાવશે.