પોસ્ટ ઓફિસમાં બચત ખાતા પર આપવો પડશે ટેક્સ!

 

- વ્યક્તિગત ખાતાઓ પર વાર્ષિક 3500 રૂપિયાથી વધુ વ્યાજ પર ટેક્સ
- સંયુકત ખાતાઓના મામલામાં રૂપિયા 7000થી વધુ વ્યાજની રકમ પર ટેક્સ
- પોસ્ટ ઓફિસ બચત ખાતા પર વાર્ષિક 3.5 ટકા વ્યાજ આપે છે
- જ્યારે બેન્કોના સેવિંગ્સ એકાઉન્ટ પર વ્યાજની રકમ 4 ટકા છે
જો તમે પણ પોસ્ટ ઓફિસમાં બચત ખાતું ખોલાવી રાખ્યું છે તો આ સમાચાર સીધા તમારા સાથે જોડાયેલા છે. જો કે વાત એમ છે કે સરકારે પોસ્ટ ઓફિસમાં બચત ખાતા પર મળતા વ્યાજને ઇન્કમ ટેક્સના દાયરામાં લાવવાનો નિર્ણય કર્યો છે. 2011-12 એટલે કે ચાલુ નાણાંકીય વર્ષથી જ આ નિયમ લાગૂ કરવાનો નિર્ણય કરવામાં આવ્યો છે.

કેન્દ્રીય પ્રત્યક્ષ કર બોર્ડ એટલે કે સીબીડીટી એ આ નવા નિયમને લઇને આવેદન પણ રજૂ કરી દીધું છે. આ આવેદનપત્ર પ્રમાણે વ્યક્તિગત ખાતાઓ પર વાર્ષિક 3500 રૂપિયાથી વધુ વ્યાજ પર ટેક્સ આપવો પડશે. જ્યારે સંયુકત ખાતાઓના મામલામાં રૂપિયા 7000થી વધુ વ્યાજની રકમ પર ટેક્સ આપવો પડશે.

તમને એ પણ બતાવી દઇએ કે પોસ્ટ ઓફિસ બચત ખાતા પર વાર્ષિક 3.5 ટકા વ્યાજ આપે છે. જ્યારે બેન્કોના સેવિંગ્સ એકાઉન્ટ પર વ્યાજની રકમ 4 ટકા છે. પરંતુ અત્યાર સુધી પોસ્ટ ઓફિસમાં મળનાર વ્યાજ પૂરી રીતે કરમુક્ત હતું.

પોસ્ટ ઓફિસમાં મોટાભાગે નાના શહેરોના લોકો અને સિટીજન નાણાં રાકે છે. હવે તેના પર પડશે ટેક્સનો માર.