જાડાપણુ દૂર કરી કામણગારા બનવાનો સૌથી સરળ રસ્તો

 

આ ઉપાયમાં તમારે ડાયટિંગ કરવાની કે પૈસા ખર્ચવાની પણ જરૂર નથી

ભોજન કરતી વખતે તમારુ સંપૂર્ણ ધ્યાન તમારા જમવા ઉપર જ હોવુ જોઇએ

જાડા લોકો માટે એક સારા સમાચાર છે. હવે તમારે મેદસ્વીપણુ ઓછુ કરવા માટે વધારે મહેનત કરવાની જરૂર નથી. એક નવા અભ્યાસમાં સામે આવ્યું છે કે જો ધ્યાનથી જમવામાં આવે તો તમે પણ કામણગારી કાયા મેળવી શકો છો. હાવર્ડ યુનિવર્સિટીના સંશોધકોએ એક રિસર્ચમાં તારણ મેળવ્યુ હતું કે ભોજન કરતી વખતે તમારુ સંપૂર્ણ ધ્યાન તમારા જમવા ઉપર જ હોવુ જોઇએ. ધ્યાનથી ભોજન કરવાના કારણે તમારુ મસ્તિષ્ક શરીરની સાથે તાલમેળ બેસાડી લે છે, જેનાથી તે તૃપ્ત થવાની સાથોસાથ રાસાયણિક સંદેશને પણ સાંભળી શકે છે.

અભ્યાસમાં એ પણ સામે આવ્યું છે કે જે લોકો આસપાસ બની રહેલી ગતિવિધિઓના બદલે ખાવા પર ધ્યાન આપે છે, તેમનું વજમ સરેરાશ 6.3 કિલો કરતા પણ વધારે ઘટી શકે છે. વૈજ્ઞાનિકો અનુસાર પાચનતંત્ર અને તંત્રિકાતંત્ર વચ્ચે હોર્મોન્સના સંકેતોની એક જટિલ શ્રૃંખલા છે તથા મસ્તિષ્ક સુધી એ સંદેશો પહોંચાડવામાં આશરે 20 મિનિટ લાગે છે કે શરીરે પૂરતુ ભોજન કરી લીધું છે. આનો અર્થ એ છે કે જો કોઈ વ્યક્તિ ઉતાવળમાં ભોજન કરતુ હશે તો તેના સંકેતો થોડા મોડા પહોંચશે અને તે વધારે ભોજન કરી લેશે.