બ્યૂટિ ટિપ્સ

 

- ગરમીની અસર આંખ પર થતાં આંખમાંથી પાણી નીકળે છે અને બળતરા પણ થાય છે. એના ઉપાયરૂપે ઠંડા દૂધમાં રૂ પલાળીને થોડો સમય આંખ પર મૂકી રાખો. ત્યાર બાદ આંખને ઠંડા પાણીથી ધોઇ નાખો. આમ કરવાથી આંખને ઠંડક મળે છે અને બળતરા થતી ઓછી થઇ જાય છે. આ ઉપરાંત આંખ પર કાકડીનાં પતીકાં વીસ મિનિટ સુધી મૂકી રાખો. આનાથી આંખમાંથી નીકળતું પાણી બંઘ થશે.

- હોઠને કાયમ સુંદર અને મુલાયમ બનાવી રાખવા માટે રોજ રાત્રે દૂધની મલાઇ લગાવો અને હળવે હાથે મસાજ કરો. સવારે ઠંડા પાણીથી ધોઇ નાખો.

- ચહેરાની ત્વચાને કાંતિવાન બનાવવા કાચા દૂધમાં હળદર નાખીને તેની પેસ્ટ બનાવો. એને ચહેરા પર લગાવો અને દસ મિનિટ સુધી રહેવા દો. તે પછી ઠંડા પાણીથી ધોઇ નાખો.