કળયુગમાં અનિષ્ટોથી કેવી રીતે બચી શકાય?

જીવનમાં દુર્ગુણો આસનીથી પ્રવેશ કરી જાય છે. આપણે ગમે એટલા તાળા લગાવીએ કે ચોકીદાર બેસાડીએ પણ દુર્ગુણોના આક્રમણ સામે પોતાનું રક્ષણ કરવું મુશ્કેલ બની જાય છે.હનુમાન ચાલીસની 21મી ચોપાઈમાં આપણને હનુમાનજીનું નવું રૂપ જોવા મળે છે. राम दुआरे तुम रखवारे। होत न आज्ञा बिनु पैसारे। તમે રામદ્વારના દ્વારપાળ(ચોકીદાર) છો, તમે રક્ષા કરો છો રામદ્વારની. તમારી આજ્ઞા વગર કોઈ અંદર કેવી રીતે પ્રવેશ કરી શકે? તેનો સીધો અર્થ છે, તમારી કૃપા વગર ભગવાન શ્રીરામની કૃપા પ્રાપ્ત નથી થઈ શકતી.આ ચોપાઈને આજકાલ લોકોએ નવી પરિભાષા આપી દીધી છે. બિનુ પૈસા અર્થાત્ પૈસા વગર કોઈ નથી જઈ શકતું. કારણ કે આજકાલ આપણે દરેક કામ માટે રૂપિયા-પૈસા આપવા પડે છે. પરંતુ વાસ્તવિક અર્થ એવો નથી. દ્વારપાળની ભૂમિકાને આપણે સમજવી જોઈએ. આપણા હૃદયના આપણે પોતે દ્વારપાળ-ચોકીદાર છીએ.

આપણે તો રોજે-રોજ કામ, ક્રોધ, લોભ, મોહને પ્રવેશ આપીએ છીએ, તો શું આપણે સાચા દ્વારપાળ છીએ? શું આપણે સત્ય, વિવેક, શાંતિ, પરોપકાર, અહિંસા જેવા સદગુણોને પ્રવેશ આપીએ છીએ? આ દુર્ગુણોના પ્રવેશ આપતી વખતે આપણે રિશ્વતખોર(લાંચીયા) બની જઈએ છીએ. એટલે સંકેત આપવામાં આવે છે કે, આપણે કયા પ્રકારના દ્વારપાળ બનવું જોઈએ. અનેક લોકો એવા સ્વાભિમાનની હોય છે કે જો આગ્રહ કરવામાં ન આવ્યો હોય તો આમંત્રણ સ્વીકાર નથી કરતા. સદગુણીઓ એવા જ સ્વાભિમાની હોય છે. તેમને આમંત્રણ આપી-આપીને આગ્રહપૂર્વક પ્રવેશ કરાવવો પડશે. દ્વારપાળનો આગ્રહ કરી આમંત્રણ આપવાની કલામાં પણ પારંગત હોવું જોઈએ. હનુમાનજીની કૃપા થઈ જાય તો આપણા પ્રવેશ-પ્રબંધન સફળતા પૂર્વક ઉકેલાશે. અને દ્વારપાળ સજગતા, બળ, વિવેક તથા આગ્રહની સાથે સાચું પરિણામ આપશે. તો ચાલો દુર્ગુણોના આક્રમણ વખતે હનુમાન રૂપી ચોકીદારને જીવનમાં સ્થાન આપી દઈએ.