ફેસબુક બગને દૂર કરવામાં આવ્યો

ફેસબુકમાં કોઈપણ વ્યક્તિ આપની અંગત માહિતી સુધી પહોંચી શકે તેવા બગને વિશેષજ્ઞોએ દૂર કરી દેતા હવે કોઈપણ યૂઝરની અંગત માહિતી અન્ય કોઈ સુધી પહોંચવા પરથી જોખમ ટળી ગયું છે. આ બગની મદદથી કોઈપણ વ્યક્તિ કોઈ અસલી વેબસાઈટ જેવી જ દેખાતી નકલી વેબસાઈટની મદદથી ફેસબુક પર કેટલાય પ્રકારની જાણકારી મેળવી શકતો હતો.

ફેસબુક કંપનીએ જણાવ્યા અનુસાર, ઈન્ડિયાના યુનિવર્સિટીના સંશોધકોએ તેમને આ બગ અંગે જણાવ્યું હતું.આ બગ અંગે કંપનીને જાણકારી થતાં જ તેને ઠીક કરવામાં આવ્યો હતો. ફેસબુક દ્વારા અપાયેલી માહિતી અનુસાર, આ બગના કારણે અત્યાર સુધી કોઈને નુકસાન થયું હોય તેવા અહેવાલ પ્રાપ્ત થયા નથી.