…તો વીરુનું બેટ બની જશે “બેરહેમ”

ટીમ ઇન્ડિયાના વિસ્ફોટક ઓપનર વિરેન્દ્ર સેહવાગ માટે 17 ફેબ્રુઆરીથી ખૂબ જ સારો સમય શરૂ થઈ રહ્યો છે. આ તારીખના બે દિવસ પછી જ શરૂ થઈ રહેલા ક્રિકેટ વર્લ્ડ કપમાં વીરુનું બેટ ખૂબ જ બેરહમ બની જશે. આ વર્લ્ડ કપમાં વીરુ માટે યાદગાર સાબિત થઈ શકે છે.

મુલતાના સુલતાનના નામે ઓળખાતો વિરેન્દ્ર સેહવાગની કુંડળીમાં નીચ રાશિમાં સ્થિર સૂર્ય, મંગળની સાથે દશમા ભાવમાં છે અને સાથે જ નવમા ભાવમાં રાહુ હોવાને લીધે તેના પારિવારિક સ્થિતિ સારી ન હોવા છતાં તેને પોતાની મહેનતથી આગળ વધીને ટીમ ઇન્ડિયામાં જગ્યા બનાવી છે. સેહવાગની કુંડળીમાં સાતમા ભાવમાં ગુરુ હોવાને લીધે લગ્ન પછી તેનો ભાગ્યોદય થયો છે.

નઝમગઢના નવાબની ગુરુની મહાદશા 2004માં શરૂ થઈ અને તેની આ મહાદશા 2020 સુધી ચાલશે. સેહવાગના ગુરુની મહાદશા દરમિયાન જ તેને ટીમ ઈન્ડિયામાં જગ્યા મેળવી. વીરુની કુંડળીના સાતમા ભાવમાં ઉચ્ચ રાશિમાં સ્થિર ગુરુ પંચ મહાપુરુષ યોગમાંથી એક હંસ યોગ બની રહ્યો છે. એટલે ગુરુની મહાદશા તેમની માટે ખૂબ જ મહત્વપૂર્ણ રહેશે. આ મહાદશામાં આર્થાત 2020 સુધી વીરુ ખૂબ જ સારું પ્રદર્શન કરશે. કહેવાય છે કે, આ સમય વીરુ માટે ગોલ્ડન પીરિયડ સાબિત થશે.

વર્તમાન સમયમાં વીરુને ગુરુની મહાદશામાં બુધની અંર્તદશા ચાલી રહી છે. જો બધુ યોગ્ય રહેશે તો આ વર્લ્ડ કપમાં સેહવાગનું પ્રદર્શન ખૂબ જ સારું રહેશે કારણ કે તેની કુંડળીમાં મંગળની સ્થિતિ ખૂબ જ સારી છે અને 17 ફેબ્રુઆરીથી મંગળ ગોચરમાં દશમા ભાવમાં આવી જશે.