રણબીરને હેર સ્ટાઇલિસ્ટ બનવાનો શોખ જાગ્યો

મિત્રની હેર એકેડેમીમાં જઈ રણબીરે વિદ્યાર્થીઓને ટિપ્સ આપી

અભિનેતા રણબીર કપૂરને હવે હેર સ્ટાઈલ બનાવવાનો શોખ જાગ્યો છે. આ માટે તાજેતરમાં તે મુંબઈમાં પોતાના એક મિત્રની હેર એકેંડ઼ેમીમાં પણ પહોંચી ગયો હતો. રણબીરે તેના શૂટિંગના અતિવ્યસ્ત શિડ્યુલમાંથી પણ સમય કાઢીને વર્સોવામાં તેના મિત્ર અલીમની હેર એકેડેમીમાં અચાનક પહોંચી બધાને અચંબામાં મૂકી દીધા હતા.

અચાનક આવી પહોંચેલા રણબીરને અહીં ઉપસ્થિત વિદ્યાર્થીઓએ ઘેરી લીધો હતો. અહીં તેણે વિદ્યાર્થીઓને હેર સ્ટાઈલ અંગે કેટલીક ટિપ્સ આપી હતી અને આ વ્યવસાય અંગે તેમજ તેમાં રહેલી તકો અંગે પણ ખૂબ ચર્ચા કરી હતી. રણબીરે અહીં વિવિધ હેર સ્ટાઈલ પર હાથ અજમાવ્યો હતો.

રણબીરને અહીંના વિદ્યાર્થીઓએ તેની પોતાની જ હેર સ્ટાઈલ અંગે પૂછતાં તેણે જણાવ્યું હતું કે, તે પોતાના મિત્ર અને હેર સ્ટાઈલિસ્ટ અલીમની હેર સ્ટાઈલ પસંદ કરતો હોવાથી તેણે પણ આ જ હેર સ્ટાઈલ અપનાવી છે. વિદ્યાર્થીઓ પણ આ વાત સાંભળીને ખુશ થઈ ગયા હતા.