સૂર્ય પર થયો મહા વિસ્ફોટ,પૃથ્વી પર થઈ શકે છે અંધારું

>>સૌર વિસ્ફોટને કારણે ચીનના અમુક ભાગમાં રેડિયો સેવા પ્રભાવિત થઈ
>>સૌર વિકિરણો 900 કિલોમીટર પ્રતિ સેકન્ડની ઝડપે પૃથ્વી તરફ આવી રહ્યા છે
>>આગામી દિવસોમાં ઈલેક્ટ્રિક પાવર ગ્રીડ અને સેટેલાઈટ સેવા પ્રભાવિત થઈ શકે

અમેરિકાની અંતરિક્ષ એજન્સી નાસાનું કહેવું છે કે સૂર્યમાં થયેલા શક્તિશાળી સૌર વિસ્ફોટને કારણે ચીનમાં રેડિયો સંચાર સેવા પ્રભાવિત થયા બાદ આગામી થોડા દિવસોમાં ઈલેક્ટ્રિક પાવર ગ્રીડ અને સેટેલાઈટ સેવા પ્રભાવિત થઈ શકે છે. નાસાના સોલાર ડાયનામિક્સ ઓબ્ઝર્વેટરીના જણાવ્યા પ્રમાણે સૂર્યના દક્ષિણ ગોળાર્ધમાં ચાર વર્ષમાં સૌથી મોટો જુપિટર આકારના ધબ્બા જોવામાં આવ્યા છે. પ્રકાશની સાથે ભારે માત્રામાં સૌર વિકિરણો જોવા મળ્યા છે, જે પૃથ્વી તરફ 900 કિલોમીટર પ્રતિ સેકન્ડની ઝડપે આગળ વધી રહ્યા છે.

અમેરિકન નેશનલ સ્પેસ વેધર પ્રેડિક્શનનું માનવું છે કે આ તોફાન પહેલાની ખામોશી છે. હજી સુધી ત્રણ સૌર વિસ્ફોટથી 13, 14 અને 15 ફેબ્રુઆરીના રોજ રેડિયો સેવા બાધિત થઈ છે. જે થોડા સમય સુધી ચાલુ રહી શકે છે. આના કારણે વાયુ, શોર્ટ વેવ પ્રસારણ ઉપરાંત નેવિગેશન જેવી જીપીએસ સિસ્ટમ પણ પ્રભાવિત થઈ શકે છે.

સૌર વિસ્ફોટને કારણે દક્ષિણ ચીનના અમુક ભાગમાં શોર્ટ વેવ પ્રસારણ પ્રભાવિત થયું છે. ચીને કહ્યું છે કે તેનું કારણ ચીન ઉપર આયનમંડળમાં આકસ્મિક પરિવર્ત છે. બે ત્રણ દિવસમાં પ્રસારણ સેવા વધારે ખોરવાઈ તેવી શક્યતા છે. સૂર્યની સપાટી પર થયેલા વિસ્ફોટની ઈલેક્ટ્રિક ગ્રીડ પર અસર 1973માં જોવામાં આવી હતી. જ્યારે કેનેડાના મધ્ય પૂર્વી ક્યૂબેક પ્રાંતમાં 60 લાખ લોકો અંધારામાં રહેવા માટે મજબૂર થયા હતાં.

બ્રિટિશ જિઓલોજીકલ સર્વેના જિયોમેગ્નેટિઝ્મ હેડ એલન થોમસન કહે છે કે માનવ જીવન નિરંતર ટેક્નોલોજી પર આધારિત થતું જાય છે. આના કારણે ચુંબકત્વ સંબંધિત આંકડાઓનું સંકલન આવશ્યક છે. જેમાં આપણે એક એવી સિસ્ટમ તૈયાર કરવામાં સફળ રહીએ જેના કારણે વર્તમાન સિસ્ટમમાં આવતા પડકારોથી પ્રભાવિત થયા વગર કામ કરી શકીએ.