વર્લ્ડકપ પહેલા ટીમ ઈન્ડિયા બની ‘લાલઘૂમ’

9 ફેબ્રુઆરીથી ઢાકા ખાતે ભારત અને બાંગ્લાદેશ વચ્ચે વર્લ્ડકપ 2011ની પ્રથમ મેચ રમાશે. તેની તૈયારીઓના ભાગ રૂપે ભારતીય ટીમે બેંગ્લોર સ્થિત નેશનલ ક્રિકેટ એકેડેમી (એનસીએ) ખાતે સઘન પ્રેક્ટિસ શરૂ કરી દીધી છે. જો કે પ્રેક્ટિસ દરમિયાન ભારતીય ટીમ નવા લાલ કલરમાં સજ્જ હતી.

તમામ ખેલાડીઓએ નેટમાં આકરી મહેનત કરી હતી. કોચ ગેરી કર્સ્ટનની આગેવાનીમાં સુકાની ધોની, માસ્ટર બ્લાસ્ટર સચિન તેંડુલકર અને વિસ્ફોટક ઓપનર વિરેન્દ્ર સેહવાગ સહિત વર્લ્ડકપમાં ભાગ લેવા જઈ રહેલા તમામ ખેલાડીઓએ પ્રેક્ટિસ શરૂ કરી દીધી છે.

2007માં વેસ્ટ ઈન્ડિઝ ખાતે રમાયેલા વર્લ્ડકપમાં બાંગ્લાદેશે ભારતને પાંચ વિકેટે પરાજય આપ્યો હતો જેના કારણે ભારતીય ટીમને ટૂર્નામેન્ટની બહાર થઈ જવું પડ્યું હતું. અને આ વખતે વર્લ્ડકપમાં ભારત તેની પ્રથમ મેચ બાંગ્લાદેશ સામે જ રમવા જઈ રહ્યું છે. જો કે સુકાની ધોનીએ પહેલાથી જ કહીં દીધું છે કે તેની ટીમ બાંગ્લાદેશને હળવાશથી નહીં લે.

19 ફેબ્રુઆરીથી 2 એપ્રિલ સુધી રમાનારા વર્લ્ડકરની યજમાની ભારત, બાંગ્લાદેશ અને્ શ્રીલંકાની સંયુક્ત યજમાનીમાં થશે.