નોકિયા 'સી6-01' ભારતમાં લૉન્ચ

મોબાઇલ ફોન બનાવનારી જાણીતી મોબાઇલ કંપની નોકિયાએ ભારતીય બજારમાં પોતાનો આકર્ષક સ્માર્ટફોન નોકિયા 'સી6-01' લૉન્ચ કરી દીધો છે. ભારતીય બજારમાં ખાસ્સા લાંબા સમયથી આ મોબાઇલ લૉન્ચ થવાની રાહ જોવાતી હતી.

સિંબાયન ઑપરેટિંગ સિસ્ટમ ઉપર આધારિત આ મોબાઇલમાં ક્લીઅર બ્લેક ડિસપ્લે ટેક્નોલૉજી, બ્લૂટુથ 3.0, વાઈફાઈ જેવા અત્યાધૂનિક ફિચર્સ ઉપલબ્ધ કરાવ્યા છે.

હાઇલાઇટ્સઃ-- 8 મેગાપીક્સલનો કેમરો ફ્લેશ લાઇટ સાથે ઉપલબ્ધ- આ નવો મોબાઇલ ટચસ્ક્રીન દ્વારા ઑપરેટ થાય છે- વિનામૂલ્યે ઓવીઆઈ મેપનો ઉપયોગ પણ કરી શકાશે- તે 3જી ટેક્નોલૉજીને પણ સરળતાથી સપોર્ટ કરે છે

આ મોબાઇલમાં કેમેરા પાછળ પણ ખાસ્સુ ધ્યાન આપવામાં આવ્યુ છે. સી6-01માં કંપનીએ 8 મેગાપીક્સલનો કેમરો ફ્લેશ લાઇટ સાથે ઉપલબ્ધ કરાવ્યો છે, જેનાથી રાતના સમયમાં પણ સ્પષ્ટ ફોટોગ્રાફી કરી શકાશે.

નોકિયાનો આ નવો મોબાઇલ ટચસ્ક્રીન દ્વારા ઑપરેટ થાય છે. સાથે જ તેમાં વિનામૂલ્યે ઓવીઆઈ મેપનો ઉપયોગ પણ કરી શકાય છે. ઉપરાંત આ મોબાઇલમાં જીપીએસ સિસ્ટમ પણ અપાઈ છે.

અને તે 3જી ટેક્નોલૉજીને પણ સરળતાથી સપોર્ટ કરે છે. ભારતમાં મોબાઇલની કિંમત 18,299 રૂપિયા રાખવામાં આવી છે. કંપનીને આશા છે કે આ મોબાઇલ હેન્ડસેટ ભારતીય ગ્રાહકોને ગમશે.