રેલવે ટિકિટ કન્ફર્મ થતા મળશે SMS

 

જો તમને રેલવેમાં સીટ બુક કરાવી છે અને તમને એ જાણ નથી કે કેટલું વેઈટિંગ ચાલી રહ્યું છેકે, ટિકિટ કન્ફર્મ થઈ ગઈ છેકે, નહીં ? તો તમારે ચિંતા કરવાની જરૂર નથી. કેમકે, ભારતીય રેલવે દ્વારા એવી વ્યવસ્થા વિકસાવવામાં આવી રહી છેકે, જેનાથી કન્ફર્મેશન અંગેની માહિતી એસએમએસ મારફત મોબાઈલ પર જ મળી જશે. 

-કન્ફર્મેશન અંગેની માહિતી એસએમએસ મારફત મોબાઈલ પર જ મળી જશે
-સુવિધા મેળવવા માટે મુસાફરે તેનો મોબાઈલ નંબર આપવો પડશે
-રેલવે વિભાગ દ્વારા હાઈ-પાવર એસએમએસ સર્વર લગાડવામાં આવી રહ્યાં છે

સૂત્રોના કહેવા પ્રમાણે, આ સુવિધા ટૂંક સમયમાં લાગૂ થઈ જશે. આ સુવિધા મેળવવા માટે મુસાફરે તેનો મોબાઈલ નંબર આપવો પડશે. અત્યાર સુધી આ સુવિધા રેલવેની વેબસાઈટ પર કે રેલવેની હેલ્પલાઈન 139 પર મળતી હતી. હવે, એસએમએસ મળી જતા યાત્રિકો નિરાંતનો શ્વાસ લઈ શકશે. આ દિશામાં રેલવે દ્વારા કામ કરવામાં આવી રહ્યું છે અને સિસ્ટમ્સને અપડેટ કરવામાં આવી રહી છે. આ સગવડ ટૂંક સમયમાં મુસાફરોને મળવા લાગશે.

આ સિસ્ટમને લાગૂ કરવા માટે રેલવે વિભાગ દ્વારા હાઈ-પાવર એસએમએસ સર્વર લગાડવામાં આવી રહ્યાં છે. સૂત્રોના કહેવા પ્રમાણે, આ સગવડતા એપ્રિલ મહિનાથી શરૂ થઈ જશે. મુસાફરની ટિકિટ કન્ફર્મ થશે કે તૂર્ત જ કોમ્પ્યુટરમાં દાખલ કરવામાં આવેલા નંબર પર એસએમએસ પહોંચી જશે.