આ યૂનીક ગિફ્ટ્સ કરશે તમારી પ્રેમિકાને ખુશ!

વેલેન્ટાઈન ડે આવે એટલે બધા પ્રેમીઓ માટે એક મૂંઝવણ લાવે. પ્રેમિકાને ગિફ્ટ શું આપવી. પહેલા તો સ્ત્રીઓ અમુક ખાસ વસ્તુઓ જોઈને ખુશ થઈ જતી કારણ કે તેઓને આવી વસ્તુ ભાગ્યે જ ગિફ્ટમાં મળતી જેમ કે જ્વેલરી, ટેડી બેર, ચોકલેટ્સ, ફ્લાવર્સ વગેરે. પણ હવે તો આ બધી વસ્તુઓ બહુ સામાન્ય થઈ ગઈ છે, સ્ત્રીઓને આ બધી વસ્તુઓ ગિફ્ટમાં મેળવવી તો ગમે જ છે પરંતુ તેની સાથે તેઓ આશા રાખે છે કે વેલેન્ટાઈન ડેના દિવસે તેમને મળે કંઈક ખાસ ભેટ. પણ એ જ વસ્તુ તમારી પરેશાનીનું કારણ બને છે, કારણ કે આખરે તમે સ્ત્રીએ કઈ ખાસ ભેટ આપી શકો.

વેલ, તમારે ટેન્શન લેવાની જરૂર નથી. આ રહી ટોપ 5 યૂનીક ગિફ્ટની લિસ્ટ જે તમે તમારી પ્રેમિકાને ભેટમાં આપી શકો છો.

1. સ્પા વાઉચર: તમે જાણો છો કે તમારી પ્રેમિકા પોતાની જોબ, ઘરની જવાબદારી અને તમારી સાથે સમય ગાળવા માટે કેટલા સ્ટ્રેસનો સામનો કરે છે. તેને રિલેક્સ થવા માટે તમે તેને કોઈ સ્પામાં એક દિવસની મુલાકાત માટે ગિફ્ટ વાઉચર આપો. સ્પાની મુલાકાત લીધા બાદ તે તમને ખરેખર વધુ પ્રેમ કરવા લાગશે. યાદ રાખો આ વાઉચર માત્ર તેને ગિફ્ટ આપવા માટે ન આપો. પણ જો તમે ખરેખર ઈચ્છતા હોવ કે તમારી પ્રેમિકા થોડી રિલેક્સ થાય તો જ આ ગિફ્ટનો વિકલ્પ વિચારજો.

2. ગિટાર: જો તમારી ગર્લફ્રેન્ડ તમારા માટે હેના મોન્ટાના જેવી સ્ટાર હોય તો અથવા તેને સંગીતનો શોખ હોય તો તેને એક ગિટાર ભેટમાં આપી શકો છો. ભલે તેને તે વગાડતા ન આવડતું હોય. અમારી વાત માનો તમારી આ ગિફ્ટ સ્વીકાર્યા પછી તે કંઈ નહીં તો તમારા માટે કોઈ એક ખાસ ધૂન વગાડતા તો શીખી જ જશે.

3. નોટપેડ: આજની સ્ત્રીઓ પુરુષોની જેમ જ ટેકનોસેવી બનતી જાય છે. તેઓ પણ હવે પુરુષોની જેમ ઘરે રહીને ઓફિસનુ અડધું કામ કરતી હોય છે. કિચનના પ્લેટફોર્મ પર શાકભાજીની સાથે લેપટોપ પડ્યુ હોય તે વાત હવે સામાન્ય બનતી જાય છે. તમે પણ તમારી ગર્લફ્રેન્ડને બનાવો ટેકનોસેવી અને ગિફ્ટમાં આપો નોટપેડ. લેપટોપ કરતા ઓછી કીંમતે મળશે અને તમારી ગર્લફ્રેન્ડ તમારો ખરા દિલથી આભાર માનશે.

4. લોન્ઝરી સેટ: જો તમે તમારી પ્રેમિકાને એક સેક્સી અંદાજમાં જોવા માંગતા હોવ તો તમે તેને તમારી પસંદની કોઈ ખાસ હોટ સેક્સી લોન્ઝરી ગિફ્ટ કરી શકો છો. તમારી પ્રેમિકા જ્યારે તેને પહેરીને તમારી સામે આવશે ત્યારે ચોક્કસ જ તમને આ ગિફ્ટ આપ્યાનો આનંદ થશે. પણ યોગ્ય સાઈઝ અને રંગની પસંદગીનો ખાસ ખ્યાલ રાખશો.

5. બોટલ ઓફ વાઈન: તમારી પ્રેમિકા તમારી સામે હંમેશા સુંદર રીતે તૈયાર થઈને આવતી હશે. ક્યારેક જીદ્દ કરતી હશે અને ક્યારેક રિસાઈ જતી હશે. તમે તેને જાણતા હોવા છતાં પણ તમને ક્યારેક લાગતુ હશે કે સ્ત્રીઓને સમજવી આટલી અઘરી વાત કેમ છે. વેલ, તમારી વાત સાચી છે પુરુષો માટે સ્ત્રીઓને સમજવી ખરેખર અઘરી છે. પણ જો તમે ઈચ્છતા હોવ કે તમારી ગર્લફ્રેન્ડ તમારી સાથે દિલ ખોલીને વાતો કરે તો તેને એક વાઈનની બોટલ ગિફ્ટ કરો. વાઈનનો નશો અને તમારા રોમાન્સનો નશો તેને પોતાના દિલની વાત કહેવા માટે મજબૂર કરી જ દેશે.

આ સિવાય પણ તમે ટેડી બેર, હેન્ડ બેગ્સ, જ્વેલરી, કોસ્મેટિક ગિફ્ટ, શૂઝ, ડ્રેસ, મોબાઈલ ફોન, આઈપોડ, ફ્લાવર્સ, કાર્ડ, ચોકલેટ જેવી ભેટ તો આપી જ શકો છો.