સફળતા જોઈએ છે? લક્ષ્ય ઉપર આ રીતે ફોકસ કરો...

જેમનું લક્ષ્ય સ્પષ્ટ હોય તે લોકો એ પણ જાણતા હોય છે કે તેમના આ લક્ષ્ય સુધી પહોંચવામાં કોણ-કોણ મદદ કરશે. બજારની દુનિયામાં વેપારીઓ ફોકસ ગ્રૂપને ટાર્ગેટ કરે છે. એવી જ રીતે અધ્યાત્મિક દુનિયામાં પણ સિદ્ધ-બુદ્ધ લોકોએ એવા જ પ્રયોગ કર્યા હતા અને આજે પણ કરે છે. રામ-કૃષ્ણ અવતારોથી લઈને મહાવીર, બુદ્ધ, મોહમ્મદ, ઈસા, નાનક સુધી બધાએ આવા જ પ્રયોગ કર્યા હતા.


આ બધા અવતારોએ ચોક્કસ ફોકસ રાખ્યું, જે તેમના હેતુઓને પરિપૂર્ણ કરી શકતા હતા અને તેમના સહાયક બની શકતા હતા. માત્ર એક ઉદાહરણથી સમજીએ તો...


પાંડવો જ કૃષ્ણના ભરોસે ન હતા. કૃષ્ણએ પણ પાંડવોને પોતાના લક્ષ્ય પૂર્તિ માટે પસંદ કર્યા હતા. આ સિદ્ધ પુરુષો એ વાત ઉપર ધ્યાન આપે છે કે તેમની પહેલા(ભૂતકાળમાં) થયેલા શ્રેષ્ઠ વ્યક્તિઓ અને શાસ્ત્રોએ કયાં ક્યાં સન્માર્ગ બતાવ્યા હતા, જે આજે તેમના ફોકસ ગ્રૂપના લોકો ચૂકી રહ્યા છે. અને પછી ફરીથી તેઓ પ્રયાસ કરે છે કે લોકોને શ્રેષ્ઠ જીવન પદ્ધતિનો લાભ મળે.


પોતાના ફોકસ ગ્રૂપના લોકોને સિદ્ધ પુરુષ સંસ્કારિત પણ કરે છે. હવે તેની ઉપર વિચાર કરો કે દરેક યુગમાં એવા સિદ્ધ લોકો અવતરે છે, નામ, રૂપ, પરિવેશ અને પદ્ધતિ બદલીને. આજે પણ છે, આપણો પ્રયત્ન હોવો જોઈએ કે આપણે તેમના ફોકસ ગ્રૂપમાં આવી જઈએ. તેઓ જે મોકો આપી રહ્યા છે તેને કૃપા સમજી જે મોકો મળશે, તેને સેવા માનીએ, પરંતુ ચૂકી ન જશો. કોઈ સિદ્ધના ફોકસ ગ્રૂપમાં આવવું ખૂબ જ મોટી ઉપલબ્ધિ કહેવાય. ભૌતિક આકાંક્ષાઓને પ્રાપ્ત કરવાની હોડમાં લાગેલા આજના લોકો એવા આધ્યાત્મિક તકોને લપકી(ઝડપી) લેવાની કલા પણ આવડવી જોઈએ.