કેવી રીતે ઉજવશો ખર્ચા વગરનો વેલેન્ટાઈન ડે?

આજના દિવસે ઘણા પ્રેમીઓ મોંઘી હોટલમાં ડિનર માટે જાય, કોકટેલ પાર્ટીનું આયોજન કરે અથવા તો રજાઓ ગાળવા માટે જાય. પણ બની શકે કે આ વેલેન્ટાઈન ડેના દિવસે તમારી પાસે એટલુ બજેટ નથી કે તમે તમારી પ્રેમિકાને કોઈ આવી મોંઘી જગ્યાએ લઈ જઈ શકો. તો ચિંતા કરવાની જરૂર નથી. આ રહ્યા અમુક ખર્ચો કર્યા વગર વેલેન્ટાઈન ડે ઉજવવાના ઉપાયો

- પ્રેમ તમારા હૃદયમાં હોવો જોઈએ. કોઈને ખુશ કરવાનો સૌથી સારો રસ્તો છે તમારી પ્રેમિકાને જણાવો કે તમે તેને કેટલો પ્રેમ કરો છો. સવારમાં જાગીને તેના માટે ખાસ બ્રેકફાસ્ટ બનાવીને તેને જણાવો કે તમે તેની કેટલી કાળજી લો છો.

- તેના ડ્રેસિંગ ટેબલ પર, તેની કારની સીટ પર, તેના પર્સમાં દરેક જગ્યાએ તેના માટે એક નોટ મૂકો, જેમાં લખો આઈ લવ યૂ. આમ કરવાથી તે ખરેખર ખુશ થઈ જશે અને તેના ચહેરા પર સ્મિત પણ આવશે.

- તેના સાંભળવા ગમતા રેડિયો સ્ટેશન પર ફોન કરીને તેના માટે તેને ગમતું કોઈ ખાસ ગીત વગાડાવો. આમ કરવાથી તે તમારી પૂરી દુનિયા સામે પોતાનો પ્રેમ સ્વીકાર કરવાની હિંમત જોઈને ખરેખર તમને વધુ પ્રેમ કરવા લાગશે અને તેને પેલી મોંઘીદાટ ગિફ્ટનો વિચાર પણ નહીં આવે.

- આજે સાંજે તેના કરતા વહેલા ઘરે પહોંચી જાવ અને તેના માટે ખાસ રોમાન્ટિક ડિનર તૈયાર કરો. ઘર એક એવી જગ્યા છે જ્યાં તમે સૌથી વધુ સગવડતા સાથે તમારી પ્રેમિકાને સૌથી વધુ કાળજી સાથે પ્રેમનો એકરાર કરી શકો છો અને તમારા પ્રેમનો અહેસાસ કરાવી શકો છો. આ કંઈ વધુ ખર્ચાળ પણ નથી.

- તમે ઈચ્છો તો તમને બન્નેને પસંદ હોય તેવી ફિલ્મની ડીવીડી ઘરે લાવીને એકબીજા સાથે બેસીને જુઓ. ફિલ્મના રોમેન્ટિક દ્રશ્યો દરમિયાન તમે પણ રોમાન્સ કરી શકો છો.

આ આઈડિયા ખરેખર મદદરૂપ છે વધુ ખર્ચો કર્યા વગર વેલેન્ટાઈન ડેની મજા માણવા માટે.