આજે આવી રીતે પ્રપોઝ તો બિલકુલ ન કરતા!

આજે છે વેલેન્ટાઈન ડે અને પ્રેમ જાણે હવામાં વહી રહ્યો હોય તેમ લાગી રહ્યું છે. તમે કદાચ આજે તમારા વેલેન્ટાઈનને પ્રપોઝ કરવાના છો. પણ જો તમે કંઈક આવી રીતે પ્રપોઝ કરવાના હોવ તો આવુ ન કરતાં. વાંચો.

- કોઈના બેસણામાં જઈને પ્રપોઝ કરવાનો વિચાર પણ ન કરતાં. જો તમને તે સમયે એ વિચાર આવે તો પણ ભૂલી જજો.


- એસએમએસ અથવા ઓનલાઈન ચેટ દ્વારા કરેલા મેસેજમાં માત્ર આત્મસન્માન ન ધરાવતી સ્ત્રી કદાચ હા પાડશે અન્યને તો ભૂલી જ જજો. બહુ જ ખરાબ વિચાર છે.

- જો તમે આખી દુનિયા સામે તમારા પ્રેમનો એકરાર કરવા માંગતા હોવ તો બીજા ઘણા રસ્તાઓ છે. પબ્લિસિટી મેળવવા માટે અને તમારી પ્રેમિકાને પ્રભાવિત કરવા માટે ટીવી રિયાલીટી શોમાં જઈને પ્રપોઝ ન કરતાં. જો તમારી પ્રેમિકા માટે આ બહુ જ ક્ષોભજનક પરિસ્થિતિ બની જશે.

- પ્રેમિકાના પરિવારની સામે તેને પ્રપોઝ કરવું તે ઘણી હિંમતની વાત છે પણ આ સમયે તમારી પ્રેમિકા તમને કોઈ પણ જવાબ આપવા માટે સ્વસ્થતા નહીં અનુભવે. ખાસ કરીને જો તેના પિતા તમને પસંદ નહીં કરતા હોય તો તો ભગવાન જાણે તમારી હાલત શું થઈ શકે.

- મોંઘી વિંટીને ફૂગ્ગા સાથે બાંધીને કોઈ પાર્કમાં જઈને તમારી પ્રેમિકાને ભેટ આપવાની યોજના ઘડો છો. તે માટે તમારી બચત ખર્ચીને વિંટી લાવો છો અને તેને એક હિલિયમ બલૂન સાથે બાંધીને તમારી પ્રેમિકાને આપો છો...પણ જો પ્રેમિકા વિંટી લે તે પહેલા તેના હાથમાંથી બલૂન ઊડી ગયો તો.....વિચારો?

- લગ્નનો દિવસ વર અને વધૂ માટે ખાસ હોય છે. તેઓ તે દિવસના રાજા રાણી હોવા જોઈએ. તે બધાંની વચ્ચે તમે તમારી પ્રેમિકાને પ્રેમનો એકરાર કરશો તો બાકીના લોકો તમારી તરફ જોવા લાગશે. આ યોગ્ય નથી. અન્ય કોઈની ખુશીની પળો તમારે ન છીનવવી જોઈએ.

- તમને ગમતી મોટાભાગની બધી છોકરીઓને મળ્યા પછી તમે આખરે થાકી હારીને કોઈ મિત્રની પાર્ટીમાં જાવ છો જ્યા તમે અન્ય કોઈ યુવતીને મળવાના છો. તેને મળ્યાને માંડ 2 મિનીટ અને 32 સેકન્ડ થઈ અને તમને લાગ્યુ કે આ જ તમારી સપનાની રાજકુમારી અને તમે એ જ ઘડીએ તમે તેને પ્રપોઝ પણ કરી દીધું. બની શકે કે કોઈ અજાણ્યા પુરુષને આવી હરકત કરતો જોઈને તે યુવતી તમને થપ્પડ મારીને જતી રહે.

- કેકના ટુકડામાં વિંટીને છૂપાવીને આપવાનો આઈડિયા બહુ જ જૂનો છે. તમારો શેફ કેકમાં યોગ્ય રીતે વિંટી ગોઠવીને તમારા બન્ને પાસે લાવે ત્યા સુધી રાહ જોતા જોતા તમે કદાચ કંટાળી જાવ. જ્યારે કેક આવે ત્યારે તેને ખાતા ખાતા તે પોતાનો દાંત તોડી શકે છે.