ફ્લોરિડાની વિદ્યાર્થિની સાબુ-પાઉડર ખાય છે

ફ્લોરિડાની એક ૧૯ વર્ષીય વિદ્યાર્થિની ટેમ્પસેટ હેન્ડરસનને સાબુ અને પાઉડર ખાવાની વિચિત્ર આદત પડી ગઈ છે. આ વિદ્યાર્થિનીએ એક દિવસે નહાતી વખતે વોશિંગ પાઊડર ચાખતાં તેને સ્વાદિષ્ટ લાગ્યો હતો. આ દિવસથી તે ધીમે ધીમે સાબુ અને પાઉડર ખાવા લાગી અને હવે તેની આ આદત એટલી હદે વધી ગઈ છે કે અઠવાડિયામાં તે પાંચ સાબુ અને ડબ્બો ભરીને વોશિંગ પાઉડર ખાઈ જાય છે.

ડોક્ટરોએ જણાવ્યું હતું કે ટેમ્પસેટની આ હરક્ત તેના માટે જીવલેણ સાબિત થઈ શકે છે. ટેમ્પસેટે જણાવ્યા અનુસાર સાબુ કે પાઉડરથી કપડા ધોવાનું કામ જેટલું સારું લાગે તેના કરતા ઘણો વધારે આનંદ તેને આ વસ્તુઓ ખાવામાં મળે છે. ટેમ્પસેટે જણાવ્યું હતું કે તેનો બોયફ્રેન્ડ તેને નહીં પરંતુ તેની કોલેજ છોડીને જતો રહ્યો હોવાથી આ આદત પડી હતી. શરૂઆતમાં તણાવ, ઘરેથી દૂર રહેતી હોવાથી એકલતા વગેરે દૂર કરવા માટે તેણે સાબુ-પાઉડર ખાવાનું શરૂ કર્યું હતું અને બાદમાં આદત પડી ગઈ હતી.

જોકે છેલ્લા છ મહિનાને તેને પણ આ આદત જીવલેણ લાગી રહી હોવાથી ડોક્ટરોની સલાહ લીધી હતી. ડોક્ટરોએ આ બીમારીને ભાગ્યે જ જોવા મળતી ‘પાઈકા’ નામની વિકૃતિ ગણાવી હતી. આવી બીમારીમાં દર્દીને સિક્કા, બ્લેડ, માટી વગેરે ચીજો ખાવાની આદત પડી જાય છે પરંતુ વાસ્તવમાં તે સ્વાસ્થ્ય માટે ખૂબ જ જોખમી હોય છે. ડોક્ટરે જણાવ્યું હતું કે, ટેમ્પસેટની આદતથી તેના લોહીમાં એસિડનું સમતુલન બદલાઈ જવાથી તે ગંભીર બિમારીનો ભોગ બની શકે છે.