મનમોહન સિંહને પણ જોઈએ છે વર્લ્ડકપ

વડાપ્રધાન મનમોહન સિંહે બુધવારે આશા વ્યક્ત કરી છે કે ભારતીય ક્રિકેટ ટીમ આઈસીસી ક્રિકેટ વર્લ્ડકપ જીતવામાં સફળ રહેશે.

સમાચાર ચેનલોના પત્રકારો સાથેની વાતચીતમાં વડાપ્રધાને કહ્યું છે કે મારી શુભકામનાઓ દેશના તમામ નાગરિકો સાથે છે. ભારતે વર્લ્ડકપ જીતવો જોઈએ.

જ્યારે મનમોહન સિંહને પૂછવામાં આવ્યું કે તમારો પસંદગીનો ખેલાડી કોણ છે તો તેના જવાબમાં વડાપ્રધાને કહ્યું હતું કે મારા કેટલાક પસંદગીના ખેલાડીઓ છે પરંતુ હું તેમનું નામ નહીં લઉ.

ઉલ્લેખનીય છે કે આ વખતે વર્લ્ડકપ ભારત, શ્રીલંકા અને બાંગ્લાદેશની સંયુક્ત યજમાનીમાં યોજાવાનો છે. 19 ફેબ્રુઆરીના રોજ ભારત અને બાંગ્લાદેશ વચ્ચે રમાનારી મેચથી વર્લ્ડકપની શરૂઆત થશે.