આ દેશમાંથી સોનું લાવવું ભારતને વધુ પડશે સસ્તું

 

ફ્રી ટ્રેડ એગ્રીમેન્ટ હોવાના લીધે થાઇલેન્ડથી ભારતમાં એક્સપોર્ટ થનાર જ્વેલરી પર ફક્ત એક ટકા જ કસ્ટમ ડ્યૂટી લાગે છે
સોના પર ડ્યૂટી વધવાથી થાઇલેન્ડને જલસા પડી ગયા છે. ફ્રી ટ્રેડ એગ્રીમેન્ટ હોવાના લીધે ત્યાંથી ભારતમાં એક્સપોર્ટ થનાર જ્વેલરી પર ફક્ત એક ટકા જ કસ્ટમ ડ્યૂટી લાગે છે. લોકલ જ્વેલર્સને લાગે છે કે આથી થાઇ ગોલ્ડ ભારતમાં સસ્તું થવું વ્યાજબી છે. એવામાં સરકારને લોકલ ઇન્ડસ્ટ્રીઝને બચાવા માટે આ અંગે કંઇક કરવું પડશે.

ઉલ્લેખનીય છે કે સામાન્ય બજેટમાં ગોલ્ડ ઇમ્પોર્ટ ડ્યૂટી 4 ટકા કરી દેવામાં આવી છે. તેમાં એજ્યુકેશન સેસ જોડાવાથી તે 4.12 ટકા સુધી જાય છે. જો આ ફર્ક બની રહેશે તો થાઇલેન્ડથી સોનું ઇમ્પોર્ટ વધુ ઝડપથી થવા લાગશે.

થાઇલેન્ડથી ભારત આવનાર જ્વલેરીમાં ડાયમંડ અને ગોલ્ડ પોપ્યુલર છે. જો કે તેની ડિઝાઇના ભારતમાં એટલી પસંદ ન પણ થાય, પરંતુ ત્યાંના સોનાને ભારતીય ડિઝાઇનમાં ઢાળી શકાય છે. આને ભારતીય જ્વેલર્સોની ચિંતા વધારી દીધી છે.