નાની અમથી ભૂલે આ બાળકને બનાવી દીધો 'નાનો કાંચા ચીના'

વેંગ ઝિયાપેંગની ઉંમર માત્ર 6 વર્ષ છે. રમવા-કુદવાની ઉંમરે આ બાળક જીવનના સૌથી ભયાનક તબક્કામાંથી પસાર થઇ રહ્યું છે.

એક દુર્ઘટનામાં વૈંગનો ચહેરો ખરાબ રીતે બળી ગયો હતો, જેના કારણે તે હવે ગુમનામીની જિંદગી જીવવા માટે મજબુર છે.

ચીનના નીંગઝિયા પ્રાંતના યિનચુઆનમાં રહેનારો વેંગ નવેમ્બર 2010ને ગેસ લાઇટરથી રમતા દુર્ઘટનાનો શિકાર થઇ ગયો હતો. વધારે પડતો બળી જવાને કારણે વેંગનો ચહેરો ખરાબ થઇ ગયો હતો.

ચહેરાની સાથે – સાથે વેંગ પોતાના હાથ અને પગની આંગળીઓને પણ ગુમાવી બેઠો છે.


આ દુર્ઘટના તુરંત જ બાદ વેંગના માતા-પિતા તેની નિંગઝિયા મેડિકલ યુનિવર્સિટી જનરલ હોસ્પિટલ લઇ જવામાં આવ્યા. પરંતુ તેના મા-બાપની આર્થિક હાલત સ્થિર ના હોવાને કારણે તે માત્ર ત્રણ મહિના સુધી જ પોતાનો ઇલાજ કરાવી શક્યો.

પોતાના બાળકનો જીવ બચાવવા આ મા- બાપે પોતાના ઘરને પણ વેચી દીધું અને મહામહેનતે હોસ્પિટલનું 1,50,000 યુઆન ( લગભગ 15,000 પાઉન્ડ)નું બિલ ચુકવી દીધું.


વૈંગના પિતા વૈંગ યુગિયુ (32 વર્ષીય) દુગ્ધ ડેરીનો વ્યવસાય કરે છે અને મહિનામાં 2,000 યુઆન કમાવે છે, જ્યારે તેની મા જેંગ્વે જિયુ (30 વર્ષીય) ગૃહિણી છે.

પોતાના ખરાબ ચહેરાને કારણે વેંગ મોટાભાગનો સમય ઘરમાં પસાર કરે છે. તેના માતા-પિતાએ ઘણી વાર તેનું નામ સ્કુલમાં દાખલ કરાવ્યું, પણ તેના ચહેરાને કારણે તેને સ્કુલ સ્ટાફ દ્વારા ઘરે પાછી મોકલી દેવામાં આવતો.

વૈંગનો ચહેરો સામાન્ય કરવા માટે તેને હજી પણ ત્રણ સર્જરી કરવી પડશે, જેના માટે લગભગ 3,00,000 યુઆન (30,000 પાઉન્ડ)ની જરૂર છે.

જો કે તેમની તંગ પરિસ્થિતિને કારણે તેઓ આ સર્જરી પરવડી શકે તેમ નથી.