ઇન્કમ ટેક્સ ચુકવવાના નવા નિયમો જાણી લો

-આ નિયમથી વિદેશમાંથી દેશમાં આવતા ધન પર સરકારની રહેશે નજર
-કરદાતાઓએ દેશ બહારની આવકોની પણ આપવી પડશે જાણકારી

સરકારે આ વખતે ઇન્કમ ટેક્સના નિયમોમાં કેટલાક ફેરફારો કર્યા છે. જો તમારી વાર્ષિક આવક 10 લાખથી વધારે છે તો તમારે આ વખતે ઇન્કમ ટેક્સ રિટર્ન ઓનલાઇન જમા કરાવવું પડશે.

ટેક્સ એક્સપર્ટ અરુણ ચંડોકે જણાવ્યા પ્રમાણે સરકારના આ પગલાથી લોકોને ફાયદો થશે કેમ કે ઓનલાઇન જમા કરાવવાથી તેમની રિફંડ પ્રોસેસ ઝડપી બનશે. ઇનકમ ટેક્સ વિભાગમાં રિફંડની ગતિ 10 લાખ રિફંડ પ્રતિ મિનિટ છે.

સરકારે નાણાકીય વર્ષ 2011-12 માટે 10 લાખથી વધારે આવકવાળા લોકો માટે ઓનલાઇન ઇનકમ ટેક્સ રિટર્ન ભરવું અનિવાર્ય કરાયું છે, જ્યારે પહેલા આ એક વિકલ્પ હતો.

ટેક્સ ભરનારાઓએ આ વખતે રિટર્નમાં દેશની બહારની સંપત્તિની પણ જાણકારી આપવી પડશે. જાણકારોના મતે સરકારના આ પગલાથી ફાયદો તો થશે જ પણ તેનાથી આવકવેરાના નિયમ વધુ કડક બનશે. જે લોકો દેશની બહાર કમાય છે તેમણે અહીં પણ ટેક્સ ચુકવવો પડશે. તેનાથી ઇનકમ ટેક્સ વિભાગ પાસે બહારથી દેશમાં આવતા ધન અંગેની સંપૂર્ણ જાણકારી હશે.