SBIએ ગ્રાહકોને છેતરપિંડીથી બચવા આપી ખાસ સુવિધા

- એસબીઆઇ એ ઇલેક્ટ્રોનિક ડેબિટ કાર્ડ સ્ટેટ બેન્ક વર્ચુઅલ રજૂ કરવાની જાહેરાત કરી
- તેનો ઉપયોગ ઇન્ટરનેટથી લેવડદેવડ માટે કરાશે
- આ કાર્ડને ગ્રાહક સ્ટેટ બેન્ક ઇન્ટરનેટ બેકિંગના માધ્યમથી બનાવી શકે છે
દેશની સૌથી મોટી બેન્ક સ્ટેટ બેન્ક ઓફ ઇન્ડિયા (એસબીઆઇ) પોતાના ગ્રાહકોને એક ખાસ સુવિધા આપવા જઇ રહ્યું છે. એસબીઆઇ એ ઇલેક્ટ્રોનિક ડેબિટ કાર્ડ સ્ટેટ બેન્ક વર્ચુઅલ રજૂ કરવાની જાહેરાત કરી છે. તેનો ઉપયોગ ઇન્ટરનેટથી લેવડદેવડ માટે કરાશે. બેન્કે ઓનલાઇન બેકિંગ લેવડદેવડમાં વધતી છેતરપિંડીથી પોતાના ગ્રાહકોને રાહત આપવા માટે આમ કર્યું છે.

બેન્કે કહ્યું કે આ કાર્ડને ગ્રાહક સ્ટેટ બેન્ક ઇન્ટરનેટ બેકિંગના માધ્યમથી બનાવી શકે છે. એક સમયમાં કેટલાંય કાર્ડ બનાવી શકાય છે પરંતુ વેલેડિટી માત્ર 48 કલાકની હશે. ત્યારબાદ આ કાર્ડ સમાપ્ત થઇ જશે અને ફરીથી નવું કાર્ડ બનાવાશે.

બેન્કના મતે વર્ચુઅલ ડેબિટ કાર્ડથી લેવડ-દેવડ કરવા પર ગ્રાહકોની મૂળ બેકિંગ માહિતી અન્ય પક્ષને નહીં મળે. આ ઇન્ટરનેટ ઉપયોગ કરનાર ગ્રાહકો માટે સુરક્ષિત ઓનલાઇન ચૂકવણી ઉપલબ્ધ કરાવશે.

દિલચસ્પ છે કે વર્ચુઅલ કાર્ડ બનાવાનો કોઇ ખર્ચ થશે નહીં. પ્રત્યેક ઓનલાઇન લેવડદેવડ માટે વર્ચુઅલ કાર્ડ બનાવાની જરૂરિયાત રહેશે. જો કે આ માધ્યમથી મૂળ ખાતાની બાકી રકમનું હસ્તાંતરણ કરાશે નહીં. બાકી રકમ હસ્તાંતરણ માટે વાસ્તવિક ઓનલાઇન લેવડદેવડ કરવી પડશે. બેન્કે કહ્યું છે કે આમ થવા પર ગ્રાહકોને એક દિવસ પણ વ્યાજનું નુક્સાન ઉઠાવું પડશે નહીં.