લગ્ન કરશો તો રહેશો સુખી અને સ્વસ્થ!

જો તમે લગ્ન ન કરવાનો નિર્ણય લઈ લીધો હોય તો ફરી એકવાર વિચારી જુઓ. કારણ કે વૈજ્ઞાનિકોએ દાવો કર્યો છે કે લગ્નનું બંધન પુરુષોને તંદુરસ્ત રાખે છે અને સ્ત્રીઓને માનસિક રીતે સ્વસ્થ બનાવે છે.

બ્રિટનની કાર્ડિક યુનિવર્સિટીના અધ્યનકર્તાઓએ જાણ્યુ છે કે એકબીજાની સંભાળ રાખતા યુગલો એકલા જીવન જીવતા લોકોની તુલનામાં વધુ સ્વસ્થ જીવન જીવે છે. અભ્યાસમાં એ પણ જાણવા મળ્યુ છે કે પરિણીત પુરુષ એટલા માટે સ્વસ્થ રહે છે કારણ કે તેમની પત્ની તેમના માટે સ્વસ્થ જીવનશૈલી નક્કી કરે છે, જ્યારે પુરુષો તેમની પત્નીઓને ભાવનાત્મક રીતે સથવારો આપે છે. 

કાર્ડિક યુનિવર્સિટીના સ્કૂલ ઓફ મેડિસીનનાં સંશોધક ડેવિડ ગાલશર અને જોન ગાલશરનુ કહેવુ છે કે પ્યાર એવો લાગણીશીલ લગાવ છે કે રોમાન્સથી શરૂ થઈને ગાઢ લાગણીઓ સુધી લંબાય છે. 

પણ જો જીવનસાથી જોડે સંબંધો યોગ્ય ન હોય તો તે તમારા હૃદય માટે યોગ્ય નથી. માટે આવા સંબંધોમાં રહેવા કરતા તમે એકલા રહો તે વધુ સારુ છે.