અમદાવાદની ગાંધીજીને સ્પેશ્યલ શ્રદ્ધાંજલિ

અમદાવાદે ગાંધીજીને આજે વિશેષ શ્રદ્ધાંજલિ અર્પી હતી. સાબરમતી ગાંધી આશ્રમમાં રેતીનું શિલ્પ તૈયાર કરવામાં આવ્યું તો વિદેશી સહેલાણીઓએ ચરખો કાંત્યો હતો. લોકોએ વિશાળ સંખ્યામાં ગાંધી આશ્રમની મુલાકાત લીધી. આ પ્રસંગે રક્તદાન પણ કરવામાં આવ્યું હતું. આજે સમગ્ર વિશ્વમાં ગાંધી નિર્વાણ દિવસને અનુલક્ષીને મહાત્મા ગાંધીને શ્રદ્ધાંજલિ અર્પતા વિવિધ કાર્યક્રમોનું આયોજન કરવામાં આવ્યું હતું. આ દિવસે અમદાવાદમાં ગાંધી આશ્રમ ખાતે સર્વધર્મ પ્રાર્થના યોજાઈ હતી.