દુનિયાનું સૌથી શાનદાર જહાજ જુઓ, તસવીરોમાં

આ જહાજનું મોડલ એક સદી પૂર્વે તૈયાર કરાઈ ચૂક્યું હતું

બ્રિટને પોતાના આ શાનદાર જહાજને તાજેતરમાં જ સમુદ્રમાં ઉતાર્યું છે. સ્પિરિટ ઓફ બ્રિટન નામના આ જહાજની ક્ષમતાનો અંદાજો એ પરથી જ લગાવી શકાય છે કે તેમાં બે હજાર મુસાફરોની સાથોસાથ એક હજાર કાર પણ આવી શકે છે. આ જહાજમાં મુસાફરી કરવા માટે 30 પાઉન્ડ (માત્ર 2100) રૂપિયા ચૂકવવાના રહેશે. આ જ ભાડામાં તમે તમારી કાર પણ સાથે રાખી શકશો. એટલે કે તમારા પરિવાર સાથે કારમાં આ જહાજ પર આવો, ફરો અને પાછા તમારી કારમાં જ ઘરે જતા રહો.

આ જહાજની લંબાઈ 700 ફૂટ અને પહોળાઈ 100 ફૂટ છે. શાહી એશોઆરામથી સજજ આ જહાજ આશરે 11 અબજ રૂપિયાના ખર્ચે બન્યું છે. આ જહાજનું મોડલ એક સદી પૂર્વે તૈયાર કરાઈ ચૂક્યું હતું.

આ જહાજે સુવિધાઓના મામલામાં બ્રિટનના સૌથી શાહી ગણાતા જહાજ પ્રાઇડ ઓપ કેલેસને પણ પાછળ છોડી દીધું છે. પ્રાઇડ ઓફ કેલેસની ક્ષમતા આના કરતા અડધી છે. તેમાં માત્ર 1000 પેસેન્જર સાથે 500 કાર સમાઈ શકે છે. સ્પિરિટ ઓફ બ્રિટન 3 ડેકનું છે. તે મુક્યત્વે રજાઓ ગાળવા માટે બીજા દ્વીપ પર ફરવા જતા લોકો માટે બનાવાયું છે.