ભારતનો સૌથી પહેલો ટ્રિપલ સિમ ફોન

એક સાથે બે કે ત્રણ મોબાઈલ ફોન ફેરવતા મોબાઈલ ફોનના શોખીનો માટે ખુશખબર. હવે ભારતમાં લોન્ચ થયો છે ટ્રિપલ સિમ મોબાઈલ.

જાણીતી ઇલેક્ટ્રિક પ્રોડક્ટ બનાવનાર કંપની અકાઇ એ ભારતમાં આ મોબાઇલને રજૂ કર્યો છે આ મોબાઇલ જીએસએમ આધારિક ટેકનોલોજી પર ચાલશે. અકાઇ એ ટ્રાઇના નામથી આ ફોનને ભારતમાં લોન્ચ કર્યો છે. આ ભારતનો પહેલો ટ્રિપલ સિમ ફોન છે.

આ મોબાઇલમાં 2.1 ઇંચની સ્ક્રીન અને 1.3 મેગાપિક્સલ કેમેરા લાગેલો છે. તેની સાથે આ ફોનમાં એ તમામ સુવિધાઓ છે જે અન્ય મોબાઇલમાં હોય છે જેમકે બ્લૂટુથ, વીડિયો ફોન, સ્પીકર, સાઉન્ડ રેકોર્ડર, એફએમ અને ઇક્વાલાઇઝર છે. આ ફોનની મેમરી 8 જીબી સુધી વધી શકે છે. અકાઇ ના મતે આ મોબાઇલની બેટરી ઘણી શક્તિશાળી છે તેમાં પાંચ કલાકનો ટોકટાઇમ અને સ્ટેન્ડબાય ટાઇમ 400 કલાક છે.

જો કે ટેક્નિકલી જોઇએ તો ભારતનો બીજો ટ્રિપલ સિમ ફોન છે ઇન્ટેક્સે ગયા વર્ષે ભારતમાં સીડીએમએ અને જીએસએમએ આધારિત લોન્ચ કર્યો હતો પરંતુ આ ભારતનું પહેલો ફક્ત જીએસએમ આધારિત મોબાઇલ છે.