ગૂડ યસ્ટરડે, બેટર ટુડે, બેસ્ટ ટુમોરો...

ગણતંત્રના ૬૧મા ગર્વિલા વર્ષે આપણા અતીતમાં નજર કરીએ તો ખ્યાલ આવશે કે દેશ અને આપણો ગ્રોથ થવાની સાથે સાથે ઘણો ચેઈન્જ પણ આવ્યો છે. તેમાં પણ ખાસ કરીને લાઈફસ્ટાઈલની મહત્વની પાંચ વાતો જેમ કે ડ્રેસિંગ, ફૂડ હેબિટ્સ, લાઈફ સ્ટાઈલ, ટ્રાન્સપોટેંશન અને એજ્યુકેશનમાં ખૂબ જ ગ્રોથ થયો છે... આ ગ્રોથ એક જ બાબત દર્શાવે છે કે આપણે સાચા અર્થમાં પ્રજાસત્તાક થયા છીએ અને આગળ વધવા મક્કમ બન્યા છીએ.

‘મેરે દેશકી ધરતી સોના ઉગલે, ઉગલે હીરે-મોતી’ પંક્તિ અનુસાર આજે આપણે ત્યાં ખરેખર સોનું પાકવા લાગ્યું છે. મોંઘવારી, ભ્રષ્ટાચાર જેવી બાબતો બાદ કરતાં આજે આપણા લોકો એક સફળતાની સીડી ચઢી રહ્યા છે. પહેલાના જમાના કરતા અત્યારના લોકોમાં એક અલગ અંદાજ જોવા મળી રહ્યો છે.

ડ્રેસિંગ, લાઇફસ્ટાઇલ, ફૂડહેબિટ્સ, ટ્રાન્સપોટેંશન ફેસિલિટીઝ અને એજ્યુકેશનમાં એ આઝાદીનાં જમાના કરતાં એક અલગ કોન્સેપ્ટ દેખાવા લાગ્યો છે. ૫૮ વર્ષ બાદ લોકોની રહેણીકરણી અને ખાવાપીવાની બાબતોમાં ફેરફારોને કારણે લોકોની જીવનશૈલી બદલાઇ છે.

અરે, આજનો યુવાવર્ગ હવે તાર, ટપાલ વિશે માંડ જાણે છે અને ઇ-મેલ, ચેટિંગ અને મેસેજિંગ આજના યુવાવર્ગની જાણે જીવાદોરી બની ગઇ છે. દેશી ઘી, ગોળ અને ચણા ખાધેલા એ તંદુરસ્ત દાદા- દાદીનાં પૌત્ર-પૌત્રીઓ આજે ઇન્સ્ટન્ટ ફૂડમાં પોતાનો આનંદ મેળવી રહ્યા છે.

ડ્રેસિંગ: ‘મેરા જુતા હૈ જાપાની, ઔર પટલૂન ઇંગ્લિસ્તાની’ વાળા જમાનાના ખાધેલા કાકાઓ અને ખાદીનાં સૂતરાઉ સાડલા પહેરેલા એ ચકોર દાદીમાઓ આજેય સમાજનાં મોભી તરીકે શોભી રહ્યાં છે. પહેલાનાં જમાનામાં દેખાતી એ ધોતી, ચમચમતા બૂટ અને ગાંધી ટોપીઓ આજે બ્રાન્ડેડ કેપ્સ અને ડિઝાઈનર ગોગલ્સમાં ક્યાંક છુપાઇ ગયા છે.