17 વર્ષની અમેરિકન યુવતી માઉન્ટ એવરેસ્ટ સર કરશે!

બ્રાયના 23 માર્ચના રોજ માઉન્ટ એવરેસ્ટનું ચઢાણ શરૂ કરશે

આશરે બે વર્ષ પહેલા 19,341 ફૂટ ઊંચા આફ્રિકાના સૌથી ઊંચા શિખર માઉન્ટ કિલિમંઝારોનું સફળતાપૂર્વક ચઢાણ કર્યા બાદ 17 વર્ષીય બ્રાયના અમેરિકાની સૌથી નાની ઉંમરની યુવતી છે, જેણે માઉન્ટ એવરેસ્ટ ચડવાનું નક્કી કર્યું છે. બ્રાયનાના પિતા એક અનુભવી પર્વતા રોહક છે. તેમણે કેટલાંય સફળ અભિયાનોની સાથે 3 વખત કિલિમંઝારોનું ચઢાણ પૂરુ કર્યું છે.

બ્રાયના 23 માર્ચના રોજ માઉન્ટ એવરેસ્ટનું ચઢાણ શરૂ કરશે. એ પહેલા બ્રાયના દુનિયાના અન્ય કેટલાક શિખરો સર કરશે, જેથી એવરેસ્ટનું ચઢાણ કરવું અઘરુ ન પડે.26 જાન્યુઆરીએ બ્રાયનાએ દક્ષિમ અમેરિકાના સૌથી ઊંચા શિખર અકોંકાગુઆ (22,841 ફૂટ)નું ચઢાણ શરૂ કર્યું છે. અકોંકાગુઆ એશિયાની બહાર દુનિયાનું સૌથી ઊંચુ શિખર છે.

આ માટે બ્રાયનાએ સેમિસ્ટરમાંથી ઓફ લીધો છે. તે જણાવે છે કે પર્વતારોહણ પ્રત્યે તેનો પ્રેમ બાળપણથી જ છે. આ બધું જ તેના પિતાના પ્રયત્નોનું પરિણામ છે. માઉન્ટ એવરેસ્ટના ચઢાણમાં સફળતા મળ્યા પછી તે સેવન સમિટ પૂરુ કરવાની ઈચ્છા રાખે છે.