રશિયાની નીચે છે દુનિયાનો સૌથી જાસૂસી રસ્તો!

સોવિયેત સંઘના યુગમાં અનેક ગુપ્ત પ્રોજેક્ટ પર કામ કરવામાં આવ્યું હતું, જે આજે પણ દુનિયા સામે એક રહસ્ય બની રહ્યા છે. આવો જ એક રસ્તો રશિયાની રાજધાની મોસ્કોની નીચેથી પસાર થાય છે, જેના અંગે દુનિયાના બહુ ઓછા લોકો જાણે છે.

આ રસ્તાનું નામ ‘મોસ્કો મેટ્રો-2’ છે. ગુપ્ત રસ્તાનો જન્મ સ્ટોલિન શાસનકાળમાં થયો હતો. કહેવામાં આવે છે કે આ રસ્તાનો ઉપયોગ સૈન્ય સંસ્થાનો અને અન્ય મોટા લોકોને ગુપ્ત રીતે લાવવા લઈ જવા માટે કરવામાં આવતો હતો.

રશિયાનું સૌથી મોટું રહસ્ય છે આ

‘મોસ્કો મેટ્રો-2’ને કેજીબી દ્વારા જાસૂસી ભાષામાં ડી-6 નામ આપવામાં આવ્યું છે. તમને એવું જાણીને આશ્ચર્ય થશે કે ફેડરલ સિક્યુરિટી સર્વિસ ઓફ ધ રશિયન ફેડરેશન અથવા ધ મોસ્કો મેટ્રો એડમિનિસ્ટ્રેશન દ્વારા મેટ્રો-2ના અસ્તિત્વ અંગે લાંબા સમય સુધી ન તો કોઈ પુષ્ટિ કરવામાં આવી હતી અને ન તો તેનું ખંડન કરવામાં આવ્યું હતું.

પરંતુ આખરે આ રહસ્ય પરથી પડદો ઉઠી ગયો હતો, આખરે રશિયાએ ‘મેટ્રો-2’ના અસ્તિત્વનો સ્વીકાર કર્યો હતો તેમજ તેને લોકો માટે ખોલી દેવામાં આવ્યો હતો.