જીવન ચલને કા નામ...

૨૦૦૧ના વિનાશક ભૂકંપનો એક દાયકો પૂરો થયો છે અને આજે ભૂકંપપીડિતો જીવનની રાહ પર નવા કદમ ભરી રહ્યા છે. તસવીરોમાં મણિનગર ખાતે ઉત્સવ એપાર્ટમેન્ટ જમીનદોસ્ત થઇ જતાં ઘર ગુમાવનારા રહીશ છાયાબહેન મહેતા ભાંગી પડ્યા હતાં. અલબત્ત આજે એ જ નવનિર્મિત એપાર્ટમેન્ટમાં તેમના પતિ હરેશભાઇ સાથે છાયાબહેન સુખેથી જીવન પસાર કરે છે.

અન્ય તસવીરમાં ઘોડાસર ખાતે સ્વામીનારાયણ સ્કૂલ ભૂકંપમાં ધ્વસ્ત થતાં કાટમાળમાં દટાઇ ૩૨ બાળકો અકાળે મૃત્યુ પામ્યાં હતાં. આજે પુન: નિર્મિત શાળાનું મકાન બાળકોના કિલ્લોલ સાથે જીવંત બની ગયું છે. ખરેખર, જીવન ચલને કા નામ કથન ખમીરવંતા ભૂકંપ પીડિતોએ સાર્થક કર્યું છે.