રાજપથ પર જોવા મળ્યું 'નાનું ભારત'

પ્રજાસત્તાક પર્વ નિમિતે દેશની રાજધાની નવીદિલ્હીના રાજપથ પર ભવ્ય પરેડનું આયોજન કરવામાં આવ્યું હતું. જેમાં દેશની લશ્કરી તાકતનું પ્રદર્શન કરવામાં આવ્યું હતું. ત્યારબાદ સાંસ્કૃત્તિક કાર્યક્રમ શરૂ થયો હતો. જેમાં ગુજરાત, બિહાર, કર્ણાટક, મહારાષ્ટ્ર, સિક્કિમ સહિતના રાજ્યોના ફ્લોટ્સ રજૂ કરવામાં આવ્યા હતા. જ્યારે કેન્દ્ર સરકારના વિવિધ મંત્રાલયો એ પણ તેમના ફ્લોટ્સ રજૂ કર્યા હતા. ગુજરાત દ્વારા બૌદ્ધ થીમ પર ફ્લોટ રજૂ કરવામાં આવ્યો હતો. આ ફ્લોટ પસાર થયો ત્યારે 'બુદ્ધં શરણં ગચ્છામિ'ના મંત્રો વાગી રહ્યાં હતા. જેના કારણે, આધ્યાત્મિક વાતાવરણની અનુભૂતિ થઈ હતી. ઈન્ડોનેશિયા અને ભારતના રાષ્ટ્રપતિ આ ફ્લોટથી પ્રભાવિત જણાયા હતા.