અરે મારા ઈ-મેઈલ્સ ક્યાં ગયા?

નવા વર્ષની શરૂઆતમાં જ હોટ મેઈલ યુઝર્સના જૂના મેઈલ્સ આપોઆપ ડિલીટ થઈ ગયા

નવા વર્ષની સાંજે ઈમેઈલ જાયન્ટ એમએસએનને તેના હોટમેઈલ યુઝર્સ તરફથી ઘણી ફરિયાદ મળી હતી કે તેમના ઈમેઈલ અકાઉન્ટમાંથી મેઈલ્સ આપોઆપ ડિલીટ થઈ ગયા હતાં.

સંખ્યાબંધ યુઝર્સે પોતાના ખાલી ઈનબોક્સ અને ફોલ્ડર્સ ન મળતા ફોરમમાં જઈને પોતાની ભડાસ કાઢી હતી. આની પાછળ માઈક્રોસોફ્ટ કે જે એમએસએનની માલિકી ધરાવે છે તેની કોઈ એરર હતી કે પછી ઈન્ટરનેટ હેકર્સની કોઈ ચાલ હતી.

ઘણા એમએસએન હોટમેઈલ યુઝર્સે તેમનુ નવુ વર્ષ જૂના વર્ષના મેઈલ્સ શોધવા સાથે શરૂ કર્યુ. ઘણા બેબાકળા યુઝર્સે માઈક્રોસોફ્ટની ઓનલાઈન ફોરમ પર ફરિયાદ નોંધાવી છે કે તેમના ઈનબોક્સમાંથી બધા મેઈલ્સ આપોઆપ ડિલીટ થઈ ગયા છે.

વળી પાછા, તેમના ડિલીટ થયેલા મેઈલ્સ તેમના એકાઉન્ટના ડિલીટ ફોલ્ડરમાં પણ નહોતા. ફરિયાદો જોતા અંદાજો નથી લગાવી શકાતો કે આ પ્રોબ્લેમ કેટલા યુઝર્સને નડી છે. કારણ કે હોટમેઈલના વિશ્વભરમાં 360 મિલિયન જેટલા યુઝર્સ છે.