હવે જો એફડી તોડી તો બેવડો ફટકો પડશે

જો તમે મેચ્યુરિટીની પહેલાં એફડી તોડવા માંગો છો તો ફરી એકવખત વિચારી લેજો. હવે તમે જો મેચ્યુરિટીની પહેલાં એફડી તોડી તો તમને દંડ અને ઓછા વ્યાજનો એમ બેવડા દંડનો સામનો કરવો પડશે. આ કદમ બેન્કોએ એ રોકાણકારો માટે ઉઠાવ્યો છે રોજ નવી-નવી સ્કીમોના લીધે પોતાની જૂની એફડી તોડાવી દે છે. જો કે રિઝર્વ બેન્કે રોકાણકારો પર દંડ વસૂલવો કે નહિં તે નિર્ણય બેન્કોની ઉપર છોડી દીધો છે.

વાત એમ છે કે રોકાણકારો નવી સ્કીમોની મોટી લાલચના ચક્કરમાં પોતાની જૂની એફડી તોડાવી દે છે. અત્યાર સુધી બેન્ક પરિપક્વતા પહેલાં એફડી તોડાવા પર નક્કી કરેલ વ્યાજથી ઓછું વ્યાજ આપીને રકમ પરત કરી દેતું હતું, પરંતુ હવે જો આમ કર્યું તો ઓછા વ્યાજની સાથે જુર્માનાનો દંડ પણ ચૂકવવો પડી શકે છે.

ઘણી સરકારી બેન્કોએ પહેલેથી જ જુર્માનાની વ્યવસ્થા કરેલી છે પરંતુ હજુ પણ કેટલીય ખાનગી અને સરકારી બેન્કો નવા ગ્રાહકોની લાલચમાં આમ કરતાં નથી.