પ્રીતિના સંબંધો નેસથી લઈને યુવરાજ સુધી....

પ્રીતિ ઝીન્ટાનું નામ શેખર કપૂર, બ્રેટ લી અને યુવરાજ સિંહ સાથે જોડવામાં આવ્યું હતું

બોલિવૂડ અભિનેત્રી પ્રીતિ ઝિન્ટાનું જીવન સાહસ અને જીંદાદિલીથી ભરપીર છે. પ્રીતિ પહેલીવાર લિરિલની જાહેરાતમાં જોવા મળી હતી. ત્યારથી જ તેના અનેક દિવાના હતા. પ્રીતિ પોતાની વાત કહેવામાં ક્યારેય શરમાતી નથી.

પ્રીતિના સંબંધો ઉદ્યોગપતિ નેસ વાડિયા સાથે હતા. નેસ અને પ્રીતિ લગ્ન કરવાના હતી પરંતુ તેઓની વચ્ચે મનભેદ થતાં તેઓનો સંબંધ તૂટી ગયો હતો.

જો કે પ્રીતિના જીવનમાં નેસ સિવાય પણ કેટલાંક પુરૂષો આવ્યા હતા પરંતુ આ વાતનો સ્વીકાર પ્રીતિએ ક્યારેય કર્યો નથી.

નેસ વાડિયાની માતાને પ્રીતિ ક્યારેય ગમી નહોતી. નેસ અને પ્રીતિના સંબંધો તૂટવામાં આ કારણ પણ જવાબદાર છે. જો કે આઈપીએલમાં નેસ અને પ્રીતિ સાથે જ છે અને તેઓની વચ્ચે પ્રોફેશનલ સંબંધો છે.

પ્રીતિનું નામ ભારતીય ક્રિકેટર યુવરાજ સિંહ સાથે પણ જોડાયુ હતું. આઈપીએલમાં જ્યારે પણ પ્રીતિની ટીમ જીતતી હતી ત્યારે તે યુવરાજને ગળે મળતી હતી. આટલું જ નહીં યુવરાજે પ્રીતિના ઘરની નજીક જ એક ફ્લેટ ખરીદી લીધો હતો અને તેને કારણે પ્રીતિ-યુવરાજના સંબંધોને લઈને અનેક અટકળો થવા લાગી હતી.

યુવરાજ બાદ પ્રીતિનું નામ ઓસ્ટ્રેલિયન ઝડપી બોલર બ્રેટ લી સાથે જોડાયુ હતું પરંતુ થોડાક જ સમયમાં પ્રીતિએ સ્પષ્ટતા કરી હતી કે, તેઓની વચ્ચે માત્રને માત્ર પ્રોફેશનલ સંબંધો છે.

પ્રીતિનું નામ કોઈને કોઈ પુરૂષ સાથે જોડાઈ જતુ હતું. હદ તો ત્યારે થઈ કે જ્યારે સુચિત્રા કૃષ્ણામૂર્તિએ પોતાના લગ્નજીવનમાં આગ લગાડવાનો આરોપ પ્રીતિ પર મૂક્યો હતો. સુચિત્રાએ આરોપ મૂક્યો હતો કે, તેના પતિ શેખર કપૂર અને પ્રીતિ વચ્ચે સંબંધો છે અને તેને કારણે તેનું લગ્ન જીવન ખોરંભે ચડ્યુ છે. આ વાતને લઈ ખાસ્સો વિવાદ થયો હતો પરંતુ પ્રીતિએ આ અંગે કંઈ જ કહ્યું નહોતું. અંતે સત્ય સામે આવ્યું હતુ અને શેખર અને પ્રીતિ વચ્ચે કોઈ જાતના સંબંધો નહોતા.

પ્રીતિનું નામ વારંવાર અનેક પુરૂષો સાથે જોડાતા પ્રીતિએ અંતે કહેવું પડ્યું હતું કે, તેને હવે કોઈ પુરૂષ સાથે ઉભા રહેતા પણ ડર લાગે છે. તે જે પણ પુરૂષ સાથે ઉભી રહે છે, તેની સાથે તેનું નામ જોડી દેવામાં આવે છે.