પ્રીતિના ફિટનેસ ફંડા છે તેના જેવા જ બબલી

સુંદર અને બબલી પ્રીતિ ઝિન્ટા માને છે કે ખરી સુંદરતા તમારી આંતરિક ખુશીમાંથી જ આવે છે. સ્ટાઈલ ગર્લ પ્રીતિની પાસે છે સેન્સ ઓફ હ્યુમર, સેન્સ ઓફ સ્ટાઈલ, નિડરતા, પ્રેમ અને સ્માઈલ. પ્રીતિને પોતાની ફિટનેસ અને સુંદરતા વિશે "જ્ઞાન" આપવુ બહુ જ ગમે છે.

તે માને છે કે....

- સુંદરતા જણાવે છે કે તમે અંદરથી કેટલા ખુશ છો.
- તમારી જાતને દરરોજ સ્ટ્રેસફ્રી કરીને કોઈ એક કસરત ચોક્કસ જ કરો.
- ઘણુ બધુ પાણી પીઓ.
- બની શકે તો રાત્રે 8 વાગ્યા પહેલા જ જમી લો અને મોડી રાત્રે ખાવાનુ ટાળો.
(તે પોતે આ બધાનુ પાલન કરે છે પણ ડિનર વાળી વાતને છોડીને...)
- સ્ટાઈલ વિશે જણાવતા પ્રીતિ કહે છે કે સ્ટાઈલિશ હોવાનો અર્થ છે તમે જે છે તે બનવુ અને કંઈ દેખાડો ન કરવો.
- તેને ઈડલી-ઢોંસા, ચાટ, છોલે ભટૂરે તેને બહુ જ ભાવે છે. તે સ્વભાવે એકદમ દેશી છે અને જ્યારે તે ભારતની બહાર જાય છે ત્યારે તે અહીંનુ ભોજન મિસ કરે છે. તેને કઢી ચાવલ બહુ જ ભાવે છે. ઘણી વાર પ્રોડ્યુસર અને ડિરેક્ટર્સ તેમના ખાસ ભારતીય રસોઈયાને સાથે લઈ જાય છે જેથી બહાર પણ ભારતનુ ભોજન મળી શકે.
- મને જે ભાવે છે તે હું રવિવારે ખાઈ લઉ છું. હું સમતોલનમાં માનુ છું, જેટલુ ખાઉ છું તેટલા પ્રમાણમાં કસરત કરી લઉ છું.
- એક અભિનેત્રી બનવુ સરળ નથી. "મને આ બધુ કરવુ ગમતુ હોવા છતાં તે માટે ઘણી મહેનત કરવી પડે છે. મને મારુ કામ કરવુ ગમે છે અને તે જ મને સક્રિય રાખે છે. હું એવુ માનુ છું. તમારા સપનાઓને સાચા કરવાનો સૌથી ઝડપી રસ્તો છે જાગી જાઓ."