તિરંગા યાત્રાની કહાણી, તસવીરોની જુબાની

12 જાન્યુઆરી ભારતીય જનતા યુવા મોરચાના અધ્યક્ષ અને સાંસદ અનુરાગ ઠાકુરના નેતૃત્વમાં કોલકત્તાથી રાષ્ટ્રીય એકતા યાત્રા (તિરંગા યાત્રા)ની શરૂઆત કરી છે. આ યાત્રા હાલ પંજાબના માધોપુર પહોંચી ચુકી છે. માધોપુરમાં 50 હજાર કાર્યકર્તાઓને ભાજપના વરિષ્ઠ નેતાઓ સંબોધન કરવાના છે. તો સામે જમ્મુ-કાશ્મીરની પંજાબ અને હિમાચલ પ્રદેશ સાથેની સરહદો સીલ કરી દેવામાં આવી છે. તેના લખનપુરથી તિરંગા યાત્રાની જમ્મુ-કાશ્મીરમાં પ્રવેશે તેવી સંભાવના છે. જો કે જમ્મુ-કાશ્મીરના મુખ્યમંત્રી ઉમર અબ્દુલ્લાએ એકતા યાત્રા રાજ્યમાં ન પ્રવેશે તે માટે ચુસ્ત બંદોબસ્ત કર્યા છે. તો બીજી તરફ જમ્મુમાં પણ ભાજપના કાર્યકર્તાઓએ મોટા પ્રમાણમાં દેખાવો કર્યા છે. પોલીસે તેમના પર હળવો લાઠીચાર્જ કરીને 550 કાર્યકર્તાઓની ધરપકડ કરી છે. 

ભાજપના કાર્યકરોની તિરંગા યાત્રાની કહાણી જોવો તસવીરોની જુબાની...