આખી દુનિયા આ માણસને ‘જીવતા કંકાલ’ના નામે ઓળખે છે!

 

બાળપણમાં તે એકદમ સામાન્ય બાળક જેવો જ હતો

ઈસાકનું વજન અચાનક જ દિવસો દિવસ ઘટવા લાગ્યું હતું

તે જોવામાં એકદમ કંકાલ જેવો જ હતો. પોતાના સમયમાં તે ખાસ્સો જાણીતો હતો. લોકો તેને શોમાં જોવા માટે આવતા હતા. તેનું નામ હતું ઈસાક ડબલ્યુ સ્પ્રેગ. ઈસાકનો જન્મ 21 મે, 1841ના રોજ અમેરિકાના મેસાચ્યુએટ્સમાં થયો હતો. બાળપણમાં તે એકદમ સામાન્ય બાળક જેવો જ હતો, પરંતુ અચાનક તે પોતાનું વજન ગુમાવવા લાગ્યો. તેના માતા પિતાને ચિંતા થઈ. તેમણે ઈસાકને ભારે કામ કરવાની ના પાડી દીધી, પરંતુ તેનું વજન સતત ઘટતું જ રહ્યું હતું. તેને સારામાં સારા ડોક્ટરો પાસે બતાવડાવ્યું, પણ કોઈ લાભ મળ્યો નહીં.

પિતાએ તેને પોતાની સાથે કામ પર રાખી લીધો. આ રીતે ઈસાક કોઇને કોઈ કામ કરતો રહ્યો. 1865માં એક શો પ્રોમોટરની નજર તેના પર પડી. તેણે ઈશાકને શો કરવાની ઓફર આપી. ઈસાકે અનુભવ્યું કે તેના શરીરનું આ રૂપ તેને પૈસા અપાવી શકે તેમ હતું. તેણે એક શો ગ્રુપ જોઈન કરી લીધું. શોમાં તેનું નામ હતું, ‘જીવતો કંકાલ’. ખૂબ ઝડપથી તે જાણીતો બની ગયો. તેના પછી તેને બારનમ મ્યુઝિયમમાં કામ કરવાની ઓફર મળી. ત્યાં તેનું વેતન પણ સારુ હતું. મ્યુઝિયમમાં આગ લાગવાના કારણે તે મરતા મરતા બચી ગયો. 1868માં તેણે નોકરી છોડી દીધી.

આ પછી મિસ તામૂર મૂર સાથે તેણે લગ્ન કરી લીઝા અને 3 બાળકોનો બાપ બન્યો. પૈસાની તંગીના કારણે તેણે ફરીથી બારનમ મ્યુઝિયમ જોઇન કર્યું. તેને જુગારની લત લાગી ગઈ હતી. 3 જાન્યુઆરી, 1887ના રોજ અત્યંત ગરીબી અને ભૂખમરાના કારણે તેનું મોત નીપજ્યું.