ટીકાથી ગભરાવ નહીં...

 

તમારી રીતે કામમાં શ્રેષ્ઠ દેખાવ કરો અને એક છત્ર હેઠળ બેસી જાવ જેથી ટીકાનો વરસાદ વરસે તો પણ તમે પરેશાન ન થાવ.

દુનિયામાં એક નિયમ છે. તમે કંઇ કામ કરતાં હો, ત્યારે પહેલાં લોકો મજાક ઉડાવે છે, પછી વિરોધ કરે છે અને અંતે સાથ આપે છે. સંયમશીલ વ્યક્તિ ક્યારેય ટીકાની વિચલિત થતા નથી. એક દેશના રાષ્ટ્રાધ્યક્ષે સેક્રેટરીને કહ્યું કે એ એના ટીકાકારોની યાદી તૈયાર કરે. સેક્રેટરીએ યાદી તૈયાર કરી. અધ્યક્ષે કહ્યું, ‘આમાંથી મારા કટ્ટર ટીકાકારોના નામ જુદા પાડો.’

સેક્રેટરીએ એમ કર્યું અને પૂછ્યું, ‘સર, આ લોકોનું શું કરવાનું છે?’ રાષ્ટ્રાધ્યક્ષે કહ્યું, ‘આ બધાને બોલાવો. હું તેમને મુખ્ય સલાહકાર તરીકે નીમવા ઇચ્છું છું.’ સેક્રેટરીના ચહેરા પર પ્રશ્નાર્થ ભાવ જોઇએ અધ્યક્ષે કહ્યું, ‘મારી ટીકા કરીને આ લોકોએ મને ચેતવ્યો ન હોત તો હું આ સ્થાને ન પહોંચ્યો હોત.’ તમે પણ ટીકાને આગળ વધો. આત્મનિરીક્ષણ કરો, ભૂલો સુધારો. તમને ખ્યાલ આવશે કે તમે જે વિચાર્યું હતું, તે અત્યંત ઝડપથી મેળવી લીધું. ટીકા ખરેખર તો છાની પ્રશંસા છે. ’