સ્ટિવ જોબ્સની iChoice હતી એક ગુજરાતી વ્યક્તિ...!

આજે દુનિયાને i-phone, i-pad, i-podeથી માહિતગાર કરાવનારા સ્ટિવ જોબનો જન્મ દિવસ છે. 24 ફેબ્રુઆરી 1955ના દિવસે જન્મેલા સ્ટિવ જોબ્સનાની પસંદ પણ એક ગુજરાતી હતી.

ચાલો ત્યારે આજે દુનિયા જે જોબ્સને ચાહતી હતી તે ગેજેટ કિંગની i-Choice કોણ હતું ? આ સવાલનો જવાબ જાણીને તમને આશ્ચર્ય થશે કે તેઓ એક ગુજરાતીને વ્યક્તિગત રીતે પસંદ કરતા હતા.

-એક ગુજરાતી હતા સ્ટિવ જોબ્સની iChoice

-એક લિડીંગ મેગેઝીનને આપેલા ઈન્ટર્વ્યુમાં એપલના સ્થાપકે કરેલો ખુલાસો

વર્ષ 1999માં એપલના સ્થાપકને પુછવામાં આવ્યું હતું કે, વીસમી સદીમાં તમે કઈ વ્યક્તિને સૌથી વધુ પસંદ કરો છો. ત્યારે જોબ્સે જવાબ આપ્યો હતો કે, "મોહનદાસ ગાંધી. એ શખ્સ 'પર્સન ઓફ ધ સેન્ચૂરી' છે. કારણ કે, તેમણે આપણા માનવ સ્વભાવની ખંડનાત્મક બાજુ દેખાડી હતી.'' જોબ્સના મતે ગાંધીજી 'ક્રિએટિવ પર્સનાલિટિ' હતા. કારણ કે, તેમણે દુનિયાને આક્રમક બનવા માટેનો નૈતિક માર્ગ દેખાડ્યો હતો.

એ જ ઈન્ટર્વ્યુમાં જોબ્સે ઉમેર્યું હતું કે, "ગાંધીએ દેખાડ્યું કે નૈતિક કાર્યો દ્વારા આપણે પરિવર્તન લાવી શકીએ છીએ. શારીરિક આક્રમકતાના બદલે નૈતિક કાર્યો દ્વારા બદલાવ લાવી શકીએ છીએ. આપણી જાતિને વધુ જ્ઞાનની જરૂર નથી. "

સ્ટિવ જોબ્સ દ્વારા મહાત્મા ગાંધી જેવા જ ગોળ ચશ્માનો ઉપયોગ કરવામાં આવતો હતો. "થિન્ક ડિફરન્ટ"પ્રચાર અભિયાન દરમિયાન સ્ટિવ જોબ્સે ગાંધીજી સહિત વિશ્વની અનેક હસ્તીઓના ચિત્રોનો ઉપયોગ કર્યો હતો. આ અભિયાન અંગે જોબ્સનું માનવું હતું કે, "સર્જનાત્મક લોકો વિશ્વને સુંદર બનાવી શકે છે, તે એપલ બ્રાન્ડની વિશેષતા રહી છે ,"