બનાવો 'કેરીનું ગળ્યું અથાણ ું'

 

આવી કેરીની સિઝન શીખો, ગળ્યું અથાણું

સામગ્રી:

1 કિલો કાચી કેરી
400 ગ્રામ ખાંડ
200 ગ્રામ રાઇના કુરિયા
50 ગ્રામ મેથીના કુરિયા
100 ગ્રામ ધાણાના કુરિયા
મરચું- સ્વાદ મુજબ
મીઠું- સ્વાદ પ્રમાણે
હળદર- જરૂર પ્રમાણે

વઘાર માટે:

1 ટીસ્પૂન હિંગ
2-4 લવિંગ
3-4 મરી
2 ટેબલસ્પૂન તેલ

રીત:

- કેરીને છોલીને તેના ટુકડા કરી હળદર અને મીઠામાં ચોળીને ચાર કલાક રાખ્યા પછી એકાદ કલાક તડકામાં સૂકવો.
- હવે ટુકડાને એક તપેલામાં લઇ તેમાં ખાંડ નાખીને તપેલા ઉપર સફેદ કપડું બાંધીને છ-સાત દિવસ સુધી તડકે રાખો.
- પછી તેમાં રાઇ, મેથી અને ધાણાના કુરિયા અને મરચું ભેળવી દો.
- હવે એક કડાઇમાં તેલ લઇને તેમાં હિંગ, લવિંગ અને મરીનો વઘાર કરવો.
- વઘાર ઠંડો પડે એટલે તેમાં કેરીના ટુકડા અને ફરીથી રાઇ, મેથી અને ધાણાના કુરિયાનું મિશ્રણ નાખીને બરાબર મિક્સ કરીને બરણીમાં ભરી લેવું.
- આ અથાણું બનાવ્યા પછી બીજા જ દિવસે ખાવાના ઉપયોગમાં લઇ શકાય છે.