મરતા પહેલા આ 5 શહેરોની મુલાકાત ચોક્કસ લેતા આવજો

 

આપણે ઘણી વખત બોલતા હોઈએ છીએ કે જો આ ન જોયું કે પછી આમ ન કર્યું તો શું જીવ્યા? આ વસ્તુ ન ખાધી તો શું ખાધું! ત્યાં ન ગયા તો ક્યાંય ન ગયા! જો કે આ છેલ્લી વાત તો સાચી છે. દુનિયામાં કુદરતી અને માનવસર્જીત સુંદરતાનો ખજાનો છે. જો તમે ખરા પ્રવાસી હોવ અને ફરવાના શોખીન હોવ તો તમારે આ 5 શહેરોની મુલાકાત તો લેવી જ જોઈએ.

 

1. ન્યૂ યોર્ક શહેર: અત્યાધુનિક, સર્વદેશી શહેર જેમાં યોજાય છે અગણ્ય સાસ્કૃતિક કાર્યક્રમો, તેનું સંપૂર્ણ ઉદાહરણ પૂરુ પાડે છે ન્યૂ યોર્ક શહેર. ઊંચી બિલ્ડિંગોનું જંગલ, અંત વગરનું જીવન, પ્રવૃતિઓ. તમારા જીવનમાં એકવાર તો બિગ એપલના મુલાકાતી બનવું જ જોઈએ. જો તમે અહીં ન જઈ શકો તો બીજે ક્યાંક જવાનો કોઈ અર્થ નથી રહેતો.

 

2. જેરૂસલેમ: માનવ ઈતિહાસમાં સૌથી મહત્વનું શહેર વિશ્વના ત્રણ મુખ્ય ધર્મનું સ્થાન છે. ભલે તમે કોઈ પણ ધર્મના અનુયાયી ન હોય તો પણ તમારે એક વખત તો આ શહેરની મુલાકાત લેવી જ જોઈએ.

 

3. શાંઘાઈ: અમેરિકા જેવા રાષ્ટ્ર કરતા એક બિલિયન જેટલા વધુ લોકોનો સમાવેશ કરતું શહેર એટલે શાંઘાઈ. વિશ્વ ભવિષ્યમાં ચીનને પૂજશે. વિશ્વમાં સૌથી વધુ વસ્તી ધરાવતો દેશ અને તેની આધુનિક આર્થિક સત્તા જો એક વાર ન જુઓ તો મનમાં વસવસો રહી જશે.

 

4. પેરિસ: રોમાન્સ, સુંદરતા, ઈતિહાસ અને સંસ્કૃતિ આ બધાનુ મિશ્રણ એટલે પેરિસ. જો તમે એક વાર પેરિસના એફિલ ટાવર પર ચઢીને પેરિસની સુંદરતા ન માણો તો તમે ખરા પ્રવાસી જ ન ગણાઓ. યુરોપના સૌથી રોમાન્ટિક શહેરની મુલાકાત લેવામાં સૌથી વધુ સમય ફાળવજો.

 

5. એમેઝોનના જંગલો: વિશાળ અને પ્રાણીસંપત્તિથી જીવંત એમેઝોનના મોટા, હરિયાળા જંગલો ખૂંદવા દક્ષિણ અમેરિકા ક્યારે જવાના છો? માત્ર સાઉથ આફ્રિકાના જંગલોથી પરિચિત હોવું પૂરતું નથી. અસલી રોમાંચની મજા માણવા એમોઝનનાં મોટા જંગલો જોવા જવું તો પડે જ.