પાઈનેપલનો ટુકડો તમારી Dry Skinમાટે બની જશે વરદાન

ગરમી શરૂ થઈ ગઈ છે તો ચાલો ઘેર બેઠા કરીએ સ્કીન કેર

- ત્વચા કોમળ અને મુલાયમ રહે એ માટે પાઇનેપલની એક સ્લાઇસની પેસ્ટ બનાવી તેમાં નારંગી કે લીંબુનો રસ મિકસ કરો અને ઘઉંનો લોટ ભેળવી આ પેસ્ટને ચહેરા અને ગરદન પર લગાવો.
- શુષ્ક ત્વચા પર મેકઅપ કરતાં પહેલાં રૂના પૂંમડાંને ગ્લિસરીનવાળું કરી ચહેરા પર લગાવો. તે પછી ફાઉન્ડેશન લગાવો.
- લીંબુના રસમાં આંબળાનો પાઉડર ભેળવીને વાળમાં લગાવવાથી વાળ ઝડપથી વધે છે.
- જાયફળને પાણી સાથે ઘસી તેનો લેપ આંખની નીચે થયેલા કાળા કુંડાળા અને ચહેરા પરના કાળા ડાઘા પર લગાવવાથી ડાઘ દૂર થાય છે.
- તરબૂચનો ગર તૈલી ત્વચા પર લગાવવાથી ત્વચાની ચીકાશ દૂર થાય છે અને ચહેરો ફ્રેશ લાગે છે.
- ઉનાળામાં પણ જો તમારા હોઠ ફાટી જતાં હોય તો રોજ રાત્રે હોઠ પર ઓલિવ ઓઇલ લગાવવાથી તે કોમળ અને મુલાયમ બની જશે.
- ગાજરના નાના ટુકડા કરીને તેને બાફી લો. તેના માવાને ક્રશ કરીને ચહેરા અને ગરદન પર લગાવો. શ્યામ ત્વચાના નિખાર માટે અત્યંત ઉપયોગી છે.
- કાચા પપૈયાને ક્રશ કરીને તેને ચહેરા અને ગરદન પર લગાવો. સૂકાઇ જાય એટલે તેને ધોઇ લો. આનાથી રોમછિદ્રોમાં ભરાયેલો મેલ નીકળી જશે.
- મુલતાની માટીમાં દહીં ભેળવીને ચહેરા પર લગાવવાથી ત્વચા કાંતિવાન બનશે.
- ઉનાળામાં ત્વચા ટેન ન થઇ જાય તે માટે નિયમિત સનસ્ક્રીન લોશન લગાવવાનું રાખો