Winter Tips, Hair માટે ખૂબ જરૂરી 'ઓઈલ ચમ્પ ી'

 

શિયાળામાં વાળ રફ થઈ જવા એ પ્રોબ્લમ તો રહે જ છે. તે વધુ પડતા નિસ્તેજ અને નીચેથી સ્પ્લિટ્સ થઈ જાય છે. પણ કોઈપણ પ્રાકરના વાળ હોય શિયાળામાં જો તેને યોગ્ય હેર ઓઈલિંગ કરવામાં ન આવે તો તે દિવસે દિવસે બરછટ થતા જાય છે.
*ઓઈલિંગ કરવાના ફાયદા :
1. નિયમિત ઓઈલિંગ લગાવવાથી વાળ સારા વધે છે. કેટલાંક પ્રકારના તેલ વાળને લાંબા, શાઈની અને કાળા બનાવે છે.
2. જો તમે ગરમ તેલથી તમારા માથામાં મસાજ કરશો તો વાળ મજબૂત બનશે. વાળમાં જો ખોડાની સમસ્યા છે તો તેમાં ગરમ તેલની સાથે લીંબુ મિક્સ કરી લગાવવાથી ડેન્ડ્રફની સમસ્યામાંથી છુટકારો મળે છે.
3.નિયમિત ઓઈલિંગથી સ્પ્લિટ્સ હેરની પ્રોબ્લમ પણ દૂર થાય છે તેમજ માથાની ત્વચા પણ ડ્રાય રહેતી નથી.
*ઓઈલિંગની ચોક્કસ રીત :
1. ઓઈલ લગાવતી વખતે હંમેશા અંદરની તરફથી શરૂઆત કરો કારણ કે વાળના છેડા પર તેલ લગાવવાનો કોઈ ફાયદો નથી હોતો.
2. ઓઈલ લગાવ્યા બાદ વાળને કાંસકાથી સારી રીતે ઓળી લો આનાથી તે એકરૂપ થઇ જશે અને માથાનું મસાજ પણ થશે. આમ કરવાથી બ્લડ સર્ક્યુલેશન થાય છે અને તાજગીનો અહેસાસ પણ.
3. જો તમે ઇચ્છો છો, કે તેલ વાળમાં સંપૂર્ણ રીતે સમાઇ જાય તો તેલ લગાવ્યા બાદ વાળને ગરમ ટુવાલથી ઢાંકી લો. આનાથી ગરમ ટુવાલની વરાળ સારી રીતે વાળના મૂળમાં જશે અને તેલ પણ તેમાં સમાઇ શકશે.
*વાળ માટેના ઉત્તમ તેલ :
આંબળા, નારિયેળ, ઓલિવ, બદામ, જોજોબા ઓઈલ. આ ઓઈલથી તમે અઠવાડિયામાં એકવાર વાળમાં મસાજ કરશો તો વાળ મજબૂત અને ભરાવદાર બનશે.