પ્રશ્ન : મારા દીકરાને એક યુવતી સાથે પ્રેમ થઇ ગયો છે. એ યુવતી અમારી નાતની નથી. મારા પતિને આ સામે વાંધો છે. મને મારા દીકરાની પસંદ સામે કંઇ વાંધો નથી. મારે શું કરવું?
ઉત્તર :તમારા પતિને તમે સમજાવો કે હવે નાત-જાત જેવું કંઇ રહ્યું નથી. દીકરાને પસંદ હોય અને એ યુવતી સંસ્કારી હોય તો એના પ્રિયપાત્ર સાથે લગ્ન કરી આપવા સામે વાંધો લેવાની જરૂર નથી. તમે તેમને સમજાવશો તો તેઓ ચોક્કસ દીકરાની ખુશી માટે માની જશે.
પ્રશ્ન : મેં એક દિવસ મારા પ્રેમીને ચુંબન કરવા માટે મંજુરી આપી હતી. એ દિવસ પછી તે મારી સાથે સંબંધ રાખવાનો આગ્રહ રાખે છે. હજી અમારા બંનેના સંબંધો વિશે બંનેના ઘરમાં કોઇને જાણ નથી. મારે શું કરવું?
ઉત્તર :ભૂલ તમારી છે. તમે શરૂઆતમાં છુટ આપી ત્યારે હવે એ આગળ વધવા માટે આગ્રહ રાખે છે. છતાં તમે બંને તમારા સંબંધો અંગે તમારા પરિવારને જાણ કરો અને લગ્ન કરી લો. તે પછી તમારી બંનેની ઇચ્છા પૂરી થઇ જશે.
પ્રશ્ન : હું એક નોકરિયાત મહિલા છું. મારા પતિ ઘરે આવે તે પછી મને ક્યાંય બહાર જવા દેતા નથી. તેમ જ જો મારા પર સ્ટાફમાંથી પણ કોઇના ફોન આવે તો મારા ચારિત્ર્ય પર શંકા કરે છે. મારે શું કરવું? હું નોકરી છોડી દઉં?
ઉત્તર :તમારા પતિ નોકરી કરે છે? જો એ નોકરી કરતાં હોય તો તેમને પણ આવી રીતે સ્ટાફમાંથી ફોન આવતાં હશે કે ક્યારેક બહાર જવાનું બનતું હશે. તમે એમનો જ દાખલો એમને સમજાવો અને સાથે તેમના શંકાશીલ સ્વભાવ વિશે એમને શાંતિથી વાત કરો. નોકરી છોડી દેવી એ આ સમસ્યાનો હલ નથી.
પ્રશ્ન : હું મારી સોસાયટીમાં રહેતા એક છોકરાને પ્રેમ કરું છું, પરંતુ તે પરિણીત છે. જોકે એ મારી સાથે લગ્ન કરવા તૈયાર છે. શું અમે બંને લગ્ન કરી શકીએ?
ઉત્તર :પ્રથમ પત્ની હયાત હોય તો એ યુવાન તમારી સાથે લગ્ન ન કરે એ કાયદો અને સમાજ બંનેમાં માન્ય નથી. તેમ છતાં જો એ યુવાન પોતાની પત્ની પાસેથી છુટાછેડા લઇ તમારી સાથે લગ્ન કરવા તૈયાર હોય અને તમારા પરિવારજનોને વાંધો ન હોય તો લગ્ન કરી શકો છો. ભવિષ્યમાં આ ઘટનાનું પુનરાવર્તન ન થાય, તેનો ખ્યાલ રાખજો.
પ્રશ્ન : મારે એક વર્ષનો દીકરો છે. મારા સાસુ કહે છે કે મારે ઓછામાં ઓછા બે સંતાન તો હોવા જ જોઇએ, પણ ડોક્ટરના કહેવા મુજબ મારું શરીર બીજી વાર પ્રસૂતિની તકલીફ સહન કરી શકે એમ નથી. હું શું કરું?
ઉત્તર :તમે તમારા પતિને આ વાત કરો અને એ ડોક્ટર સાથે પણ એમને વાત કરાવો. તમારી વાતની સાથે ડોક્ટર જો તમારા પતિને આ મુદ્દો સમજાવશે તો વધારે હિતાવહ રહેશે અને એ તમારા સાસુના દુરાગ્રહ અંગે સમજાવી શકશે.
પ્રશ્ન : અમે બંને નોકરી કરીએ છીએ. હું ઓફિસેથી આવું તે પછી એટલી થાકી ગઇ હોઉં છું કે ઘરનું કામકાજ કરવાની પણ ક્યારેક હિંમત થતી નથી. આમ છતાં મારા પતિ પરાણે મારી સાથે સંબંધ બાંધે છે. આવી જિંદગીથી મને કંટાળો આવી ગયો છે. શું કરું?
ઉત્તર :તમારે કંઇ કરવાની જરૂર નથી. શાંતિથી પતિને સમજાવો અને જ્યારે વધારે થાકેલા હો, ત્યારે પતિને પ્રેમથી ના કહેતાં શીખો અથવા તો એવી રીતે એમને સંતોષ આપો કે તમને વધારે થાક ન લાગે.
પ્રશ્ન : મારી સમસ્યા એ છે કે હું જ્યારે પણ મારા પતિને પાસે બોલાવું ત્યારે એ કંઇ ને કંઇ બહાનું કાઢે છે. જ્યારે એમને ઇચ્છા હોય ત્યારે એ મારી ઇચ્છાની પરવા કર્યા વિના સંબંધ બાંધે છે. તો પત્ની તરીકે મારે એમને કેવી રીતે મારી ઇચ્છા અંગે જણાવવું?
ઉત્તર :આવું ઘણી વાર દાંપત્યજીવનમાં બને છે. તમારે નિરાશ થવાની જરૂર નથી. તમે પતિને કહો કે તમને પણ જ્યારે ઇચ્છા જાગે ત્યારે તે સંતોષવા માટે થોડો સાથ આપે. એ તમને અને તમારી લાગણીને સમજશે અને જ્યારે તમે કહેશો ત્યારે ચોક્કસ સાથ આપશે.
Comments
Post a Comment