હવે થશે આપની ઈંતેજારીનો અંત, આવશે વિન્ડોઝ 8

-29 ફેબ્રુઆરીએ મર્યાદિત સમય માટે રજુ થશે વિન્ડોઝ 8


માઈક્રોસોફટે તેની ઓપરેટિંગ સીસ્ટમ વિન્ડોઝ-૮નું બીટા વર્ઝન લોન્ચ કરવાની તૈયારી આદરી છે. ૨૯મી ફેબ્રુઆરીએ તે મર્યાદિત સમય માટે રજૂ કરવામાં આવશે અને તે સમયગાળા દરમિયાન લોકો તેને ડાઉનલોડ પણ કરી શકશે.

વિન્ડોઝના નવા વર્ઝન કરતાં આ વર્ઝનમાં કંઈક અલગ ફીચર્સ રજૂ કરવામાં આવશે તેમાં કોઈ શંકા નથી. જો કે નવા વર્ઝનના આઈકોન, સિગ્નેચર કલર થીમ અને ડિઝાઈન અંગે હજુ સુધી કોઈ માહિતી બહાર પાડવામાં આવી નથી.

જો કે સાઈબર વર્લ્ડમાં દરેક વ્યકિતએ આ અંગે પોત-પોતાની રીતે અટકળો લગાવવાની શરૂ કરી દીધી છે અને કેટલાકે તો વિન્ડોઝ-૮ના ફોટોગ્રાફસ પણ ઈન્ટરનેટ પર મૂકયા છે.