૧૫૦ આઈક્યૂ સાથે ‘જીનિયસ’ કમ્પ્યૂટર તૈયાર

 

વિજ્ઞાનિકોએ એક એવું ‘જીનિયસ’ કમ્પ્યૂટર તૈયાર કર્યું છે જે સામાન્ય લોકો કરતાં ઘણું વધારે હોશિયાર છે. તર્ક અને માણસો જેવી વિચારસરણી સાથે તૈયાર કરાયેલું આ કમ્પ્યૂટર આઈક્યૂ ટેસ્ટમાં ૧૫૦ પોઈન્ટ મેળવી શક્યું છે.

સામાન્યપણે લોકો આઈક્યૂ ટેસ્ટમાં ૧૦૦થી ઓછો સ્કોર કરે છે અને ૧૫૦ સ્કોર કરે તેને જીનિયસ ગણવામાં આવે છે. સંશોધકો મુજબ ગાણિતિક તર્ક અને માણસો જેવા વિચારો પર આધારિત સંયુક્ત પ્રોગ્રામ પર આ કમ્પ્યૂટર કામ કરે છે.

યુનિવર્સિટી ઓફ ગોથેનબર્ગની સંશોધક ટીમના વડા કલેસ સ્ટ્રેન્નેગાર્ડે જણાવ્યું હતું કે અમે એવો પ્રોગ્રામ તૈયાર કરવાનો પ્રયત્ન કરી રહ્યાં છીએ જે માણસો જોઈ શકે તેવી પેટર્ન શોધી શકે છે.આ કમ્પ્યૂટરનો પ્રોગ્રામ પરંપરાગત ગાણિતિક પ્રોગ્રામ કરતાં વિશેષ છે, કારણ કે તેમાં ગણિત અને મનોવિજ્ઞાન બંનેને જોડવામાં આવ્યાં છે.