બનાવો ગરમાગરમ 'ઢોકળા'

 

 

નાસ્તામાં બનાવો 'ઢોકળા'

સામગ્રી-

1 કપ ચણાની દાળ
2 કપ ચોખા
2 ટેબલ સ્પૂન દહીં
1 ટી સ્પૂન આખી મેથી
1 ટેબલ સ્પૂન આદુ મરચાની પેસ્ટ
5-6 કળી લસણ વાટેલું
1/2 કપ કોથમીર, ફુદીનાના પાન સમારેલા
મીઠું, હળદર, લાલ મરચા પાવડર સ્વાદ અનુસાર

રીત-

-દાળ અને ચોખાને સારી રીતે ધોઈને બન્નેને અલગ અલગ વાસણમાં પલાળી લો.
 

-સાત થી આઠ કલાક સુધી પલળ્યા પછી તેને કરકરું ક્રશ કરી લો.
 

-હવે દાળ ચોખાના આ ખીરામાં મેથીના દાણા, દહીં, મીઠું અને હળદર નાખીને તેને ઢાંકીને રાખી મૂકો. 

 

-ખીરામાં સારી રીતે આથો આવે ત્યાં સુધી રાખી મૂકો.
 

-મેથીના દાણા પલળી રાખો તે ખાટા થઈ જશે અને બિલકુલ કડવા નહીં લાગે.
 

-ઢોકળા બનાવતી વખતે ખીરામાં આદુ મરચાની પેસ્ટ, વાટેલું લસણ, થોડુંક તેલ અને ખાવાનો સોડા ઉમેરો.
 

-હવે ખીરાને થાળી કે ઢોકળીયાની ટ્રેમાં તેલ લગાવીને જાડો થર કરી ચડવા મૂકો.
 

-ઉપરથી કોથમીર ફુદીનાના પાનને બારીક સમારીને નાખો અને થોડો લાલ મરચાનો પાવડર છાંટીને 

સારી રીતે ચડી જવા દો.
 

-ગરમ ગરમ ઢોકળાને લાલ અને લીલી ચટણી સાથે પીરસો.