સાત અજાયબીને પણ પાછી પાડે તેવી બ્યુટી, જુઓ તસવીરોમાં

આઈસલેન્ડમાં આવેલા સૌથી વિશાળ તેમજ ગ્લેશિયર્સ ધરાવતા ખારા પાણીના સરોવરમાં એક ફોટોગ્રાફરે ગાત્રો થિજવી નાખતી ઠંડીમાં એલેક્ઝાન્ડર ડેસ્કાઉમસ નામના ફોટોગ્રાફરે અદ્દભૂત ફોટોગ્રાફી કરીને ગ્લેશિયર્સના અગાઉ ક્યારેય ન જોવાયા હોય તેવા દ્રશ્યો કેમેરામાં કેદ કર્યા હતા.

નવાઈની વાત એ છે કે આ સરોવરમાં જામેલા બરફ તેમજ ગ્લેશિયર્સ તાપમાન અનુસાર સતત વધતા તેમજ ઘટતા રહે છે અને તેમના આકારમાં તેમજ દેખાવમાં પરિવર્તન આવતા રહે છે. આ ઘટના અહીં ખૂબજ ટૂંકાગાળામાં બને છે.

દર વર્ષે જૂનથી સપ્ટેમ્બરના ગાળામાં આ ગ્લેશિયર્સ ઓગળવાનુ શરૂ થાય છે જેના કારણે આ લગૂનમાં નવા જ દ્રશ્યો સર્જાય છે અને આ સાથે જ જાણે આઈસલેન્ડ પર જાણે નવા જીવનની શરૂઆત થાય છે.

એલેક્ઝાન્ડર ડેસ્કાઉમસ એક સાહસિક ફોટોગ્રાફર છે અને તે ફ્રેંચ નાગરિક છે. આ ફોટોગ્રાફર આ લગૂનના પ્રેમમાં એવો પડ્યો હતો કે તેણે તેના ગ્લેશિયર ઓગળતા હોય તેવા સમયે સતત ત્રણ વર્ષ સુધી તેની મુલાકાત લઈ ફોટોગ્રાફીનો પ્લાન બનાવ્યો હતો અને આ વર્ષે તેની ફોટોગ્રાફી કરી હતી.

એલેક્ઝાન્ડરે કહ્યુ હતુ કે હું આ સ્થળના કુદરતી સૌંદર્યથી ખાસ્સો પ્રભાવિત થયો છું. વેરાન પરંતુ ભવ્ય આ સ્થળ લાલિત્યથી ભરપૂર લેન્ડસ્કેપ ધરાવે છે. આમપણ હું ડાર્ક અને પ્રભાવિત કરે એવા લેન્ડસ્કેપ જોવા માંગતો હતો.