કામદેવની જન્મભૂમિ એમ જ નથી કહેવાતુ આ શહેર

કુદરતી સુંદરતાને માણવાનો શોખ હોય તો ગુવાહાટીથી વિશેષ કોઈ વિકલ્પ ન હોઈ શકે. અહીં બ્રહ્મપુત્ર નદીનો ઠંડો અહેસાસ છે તો સાથે કાજીરંગા નેશનલ પાર્ક અન ભક્તિનો સંદેશ આપતા પ્રાચીન મંદિર લોકોને અહીં આવવા માટે આકર્ષિત કરે છે.

એશિયાના ગણ્યાગાઠ્યા પ્રાચીન શહેરોમાં સમાવિષ્ટ ગુવાહાટીની કુદરતી સુંદરતા અને સંસ્કૃતિ ઉત્તર-પૂર્વમાં સૌથી ખાસ બનાવી દે છે. આ જગ્યાને કામદેવની જન્મભૂમિ પણ કહેવાય છે. નદીઓ, પહાજ અને જંગલ ગુવાહાટીના મુખ્ય આકર્ષણ છે.

જો કે અહીં હિન્દુ સંસ્કૃતિની અમુક એવી ધરોહર પણ છે જે પર્યટકોને અહીં વારે વારે આવવાની માટે વિવશ કરે છે. આ સિવાય અહીં ઈન્ટરનેશનલ ક્રિકેટ સ્ટેડિયમ છે, અદ્ધભૂત ઝુ છે, મોટી મોટી શૈક્ષણિક સંસ્થાઓ છે, રિવર ક્રૂઝની મસ્તી છે અને કામખ્યા માતા જેવું મંદિર પણ.

મંદિર:ગુવાહાટીમાં કામખ્યા મંદિર, ઉમાનંદ મંદિર અને નવગ્રહ મંદિરને મુખ્ય આકર્ષણ માનવામાં આવે છે. ગુવાહાટી જાઓ અને આ મંદિરના દર્શન ન કરો તેવું શક્ય ન બને. કામાખ્યા મંદિર હિન્દુ ધર્મમાં શક્તિ પીઠના રૂપમાં માનવામાં આવે છે. ઉમાનંદ મંદિર બ્રહ્મપુત્ર નદીની વચ્ચો વચ્ચ પિકોક દ્વિપ પર સ્થિત છે. એવું માનવામાં આવે છે કે ભગવાન શિવની આરાધનામાં ખલેલ પહોંચાડવા બદલ કામદેવને ભસ્મ થઈ જવાનો શ્રાપ મળ્યો હતો, જેના અનુક્રમે આ પર્વતનું નામ ભસ્મશાળા પડ્યું. નવગ્રહ મંદિર ચિત્રાંચલ પર્વત પર સ્થિત છે. આ મંદિર નવ ગ્રહોને સમર્પિત છે. આ મંદિરનું નિર્માણ 18મી સદીના અંતમાં રાજા રાજેશ્વર સિંહે કરાવ્યું હતું.

વશિષ્ઠ આશ્રમ:અહીં આવેલું વશિષ્ઠ આશ્રમ પણ જોવા લાયક છે. કહેવાય છે કે અહીં વશિષ્ઠ મુનિ રહેતા હતાં. આ આશ્રમમાં તમને દુર્લભ જડીબુટ્ટીના ભંડાર મળશે.

કાજીરંગા નેશનલ પાર્ક:કાજીરંગા નેશનલ પાર્ક વાઈલ્ડ લાઈફના શોખીનો લોકોનું ફેવરિટ સ્પોટ માનવામાં આવે છે. કાજીરંગા નેશનલ પાર્કના મહત્વને જોતા 1985માં તેને વર્લ્ડ હેરિટેજ જાહેર કરવામાં આવ્યું છે. આ પાર્કમાં તમને એક શીંગડા વાળા ગેંડા, વાઘ, હાથી, દીપડા, ચીત્તા જેવા જંગલી જાનવરોની સાથે પક્ષીઓ પણ જોવા મળશે. આ પિકનિક, એડવેન્ચર અને આઉટિંગનું હોટ સ્પોટ માનવામાં આવે છે.

આસામની સંસ્કૃતિને જો નજીકથી જોવા માંગતા હોવ તો ગુવાહાટીથી 32 કિલોમીટર દૂર હાજોમાં તમે તેની ઝલક જોઈ શકો છો.